影片
更多
2023-03-03
18 浏览
早几日喺佐敦行完街买完嘢之后 不经不觉已经成8:00 我哋其实应该系要揾返啲嘢食嘅，不过唔知点解好想食糖水 不过唔熟附近有啲咩好嘅糖水舖，所以就上网Google揾到一间叫做糖水档1987嘅 糖水舖头 睇返先知 原来舖头已经系第三代 近年有一对年轻嘅情侣档接手左👩❤️👨 传承旧有嘅手艺 亦都有加入创新嘅元素🤣🤣除咗糖水之外 间糖水舖仲有得买小食 所以好啱宵夜过嚟 不过我哋始终唔系住附近，所以就嚟食个晚餐啦😂 .🐷白雪女王👅8/10 $49其实呢一碗就系腐竹桃胶糖水配炖蛋白 见佢系舖头嘅招牌，所以就试吓啦 我哋仲加咗汤圆腐竹嘅味道非常之香🐷 而桃胶嘅份量 亦都多到不得了 食落都觉得好滋补哈哈哈 糖水唔会超级甜 食得出唔系靠落冰糖 而且炖蛋白喺个底度 捞埋嚟食真系唔错 加咗嘅汤圆系两粒芝麻汤圆 芝麻汤圆一咬开系流心嘅 芝麻味都几香🥰.🐷椰汁桃胶西米炖蛋白（冻）👅8.5/10 $49呢碗嘢真系饱到黐线… 大佬 啲西米会唔会多得济😂😂 识识吓觉得自己好似食紧碗饭禁足料 椰汁嘅味道亦都香浓 桃胶份量同上面𠮶碗白雪女王一样咁多 炖蛋白亦都系香滑 钟意食汤圆嘅我哋系呢一碗糖水到都加咗两粒汤圆🤣🤣.🐷
早几日喺佐敦行完街买完嘢之后 不经不觉已经成8:00 我哋其实应该系要揾返啲嘢食嘅，不过唔知点解好想食糖水 不过唔熟附近有啲咩好嘅糖水舖，所以就上网Google
揾到一间叫做糖水档1987嘅 糖水舖头 睇返先知 原来舖头已经系第三代 近年有一对年轻嘅情侣档接手左👩❤️👨 传承旧有嘅手艺 亦都有加入创新嘅元素🤣🤣
除咗糖水之外 间糖水舖仲有得买小食 所以好啱宵夜过嚟 不过我哋始终唔系住附近，所以就嚟食个晚餐啦😂
.
🐷白雪女王👅8/10 $49
其实呢一碗就系腐竹桃胶糖水配炖蛋白 见佢系舖头嘅招牌，所以就试吓啦 我哋仲加咗汤圆
腐竹嘅味道非常之香🐷 而桃胶嘅份量 亦都多到不得了 食落都觉得好滋补哈哈哈 糖水唔会超级甜 食得出唔系靠落冰糖 而且炖蛋白喺个底度 捞埋嚟食真系唔错 加咗嘅汤圆系两粒芝麻汤圆 芝麻汤圆一咬开系流心嘅 芝麻味都几香🥰
.
🐷椰汁桃胶西米炖蛋白（冻）👅8.5/10 $49
呢碗嘢真系饱到黐线… 大佬 啲西米会唔会多得济😂😂 识识吓觉得自己好似食紧碗饭禁足料 椰汁嘅味道亦都香浓 桃胶份量同上面𠮶碗白雪女王一样咁多 炖蛋白亦都系香滑 钟意食汤圆嘅我哋系呢一碗糖水到都加咗两粒汤圆🤣🤣
.
🐷蒜香安格斯牛柳粒 👅8/10 $35
牛柳粒本身系用咗安格斯 所以本身已经好香 加上用咗蒜片同埋烧汁黎炒 蒜片可以令到口感更加丰富 亦都可以有蒜香味 烧汁，亦都令到成碟牛柳粒更加惹味
.
🐷XO酱炒面 👅8.5/10 $35
XO酱系舖头自家制嘅 辣度我地拣普通 但都有少少辣🤣🤣 但佢个XO酱都真系几香几惹味🌶️🌶️ 炒面里面仲有加啲青椒、红椒、芽菜落去炒 所以唔会单单调调咁样 有少少咬口🥰🥰 唔错架！
.
味道👅：8.5/10
卖相👀：8/10
扺食💰：8/10
服务🙆🏻♀️：9/10
张贴
