小皇府 (惠安苑) (已結業)

今日转左3号风球后，因为大雨关系就打算喺屋附近餐厅食，行左几间之后打算食点心就入左小皇府。 首先要讲喺啲食用餐具好唔掂，筷子有阵怪味，一用湿纸巾抺落去马上变黑，杯杯碗碗碟碟都有破烂，跟待应拿一次性筷子他们说没有，我们变脸后便马上拿给我们了。 待应唔知系咪落波要返工，无黎精神唔识讲野咁。未开绐食野啲食欲已经无晒，到讲食物，香煎腊味萝卜糕系有史以来最难食既，落完单唔驶2分钟就上到枱，食落去系室温咁，完完全全唔脆，失望。红油抄手货不对办，系急冻野，求其淋啲豉油麻油剪几粒辣椒落去就算系红油抄手，超失望。烧卖同马拉糕算系正常，即叫即蒸，镇江小排骨算系咁，瑶柱小笼包个皮超厚唔好食，叉烧肠粉用只烂碟，同埋又系室温既唔得。