影片
更多
2006-04-07
13 浏览
一般写食评我都唔会写快餐店, 因为品质基本上系standardized 左, 冇咩好讲, 但今次真系有种不吐不快之感。有一晚赶住去踢波, 就求其去左最近地铁站既呢间大家桨, 叫左个滑蛋粟米斑腩饭, 再加9 蚊加多个素翅, 等左好耐先有得攞。卖相唔太讨好, 都算啦, 食左两啖饭, 个汁都ok, 点知一咬落旧斑腩度, 哗!!腥到爆啰唔该, lur 都lur 唔切, 都未食过d 咁难食既斑腩啰, 仲要炸左都仲可以咁腥, 真系难得。即刻拎碟饭同个经理理论, 叫佢试左旧, 佢都即刻换俾我, 但都冇咩「对唔住」or 「唔好意思」的感觉啰。换左个南瓜焗肉酱意粉, d 南瓜好似识隐形咁, 无色无味, 食左都唔多觉, 同一般既肉酱意粉完全无分别。仲好似煮得太淋, 个质感似汤意粉多过似焗意粉。食完仲见到碟底劲爆多油, 都唔知d 油边度黎同点解会有咁多油啰。个翅都整得好差, 一「pat pat 」, 杰到好似胶水咁, 仲要杰得黎又好喊, 街边求其整兜碗仔翅都好过佢多多声。因为赶时间, 再难食都拿拿声填饱个肚就算, 再即走。湾仔成6 间大家乐最差都算系呢间喇, 下次唔驶指意我再帮衬, 情愿行远d 去胡忠大厦果
有一晚赶住去踢波, 就求其去左最近地铁站既呢间大家桨, 叫左个滑蛋粟米斑腩饭, 再加9 蚊加多个素翅, 等左好耐先有得攞。
卖相唔太讨好, 都算啦, 食左两啖饭, 个汁都ok, 点知一咬落旧斑腩度, 哗!!腥到爆啰唔该, lur 都lur 唔切, 都未食过d 咁难食既斑腩啰, 仲要炸左都仲可以咁腥, 真系难得。
即刻拎碟饭同个经理理论, 叫佢试左旧, 佢都即刻换俾我, 但都冇咩「对唔住」or 「唔好意思」的感觉啰。
换左个南瓜焗肉酱意粉, d 南瓜好似识隐形咁, 无色无味, 食左都唔多觉, 同一般既肉酱意粉完全无分别。仲好似煮得太淋, 个质感似汤意粉多过似焗意粉。食完仲见到碟底劲爆多油, 都唔知d 油边度黎同点解会有咁多油啰。
个翅都整得好差, 一「pat pat 」, 杰到好似胶水咁, 仲要杰得黎又好喊, 街边求其整兜碗仔翅都好过佢多多声。
因为赶时间, 再难食都拿拿声填饱个肚就算, 再即走。湾仔成6 间大家乐最差都算系呢间喇, 下次唔驶指意我再帮衬, 情愿行远d 去胡忠大厦果间好过。
张贴