影片
更多
2022-04-03
632 浏览
今日五点几用OpenRice订咗个二人餐再加几款𩠌，写明半个钟头可以自取，点知前前后后等咗成个钟有多！去到嘅时候前面𠮶两位收银喺度处理紧一个退款，一心谂住等吓啦，点不知佢哋两个店员搞咗同一个退款15分钟，我一路企后边排队都冇问过我一声可以帮我啲乜。五点几六点个场都冇人，入边有几个待应冇嘢做行嚟行去，都唔会有人走过嚟帮吓手，由得过客自己慢慢喺度等。好啦个退款客搞掂，佢哋又去打电话俾另一个客，完全无视企喺佢前边𠮶个。我终于忍唔住问我可唔可以攞个外卖，佢先不情愿叫啲侍应去睇吓，然后先发觉原来仲有两盒未整好，𠮶时已经由我落单计用咗55分钟。基本上系个客唔去唔问，系冇人会跟进剩低未搞𠮶两盒。最终我继续等多15分钟先收到个外卖。佢嘅藉口系话因为好多外卖要做，但明明我见佢摆喺枱面等客攞嘅只系有两份，仲要已经冇晒堂食客！另外我明明已经系OpenRice用卡俾晒钱，去到竟然话俾我听要收$20外卖盒嘅费用，真系好奇怪。你写得系外卖自取嘅Booking，唔系应该已经包括外卖盒嘅费用㗎啦咩？如果唔包，亦都应该系OpenRice收钱嘅时候包括呢一栏。去到现场仲要俾钱系咩玩法？！谂住好食嘅话算啦，见到咁多好评，但
去到嘅时候前面𠮶两位收银喺度处理紧一个退款，一心谂住等吓啦，点不知佢哋两个店员搞咗同一个退款15分钟，我一路企后边排队都冇问过我一声可以帮我啲乜。五点几六点个场都冇人，入边有几个待应冇嘢做行嚟行去，都唔会有人走过嚟帮吓手，由得过客自己慢慢喺度等。好啦个退款客搞掂，佢哋又去打电话俾另一个客，完全无视企喺佢前边𠮶个。我终于忍唔住问我可唔可以攞个外卖，佢先不情愿叫啲侍应去睇吓，然后先发觉原来仲有两盒未整好，𠮶时已经由我落单计用咗55分钟。基本上系个客唔去唔问，系冇人会跟进剩低未搞𠮶两盒。最终我继续等多15分钟先收到个外卖。佢嘅藉口系话因为好多外卖要做，但明明我见佢摆喺枱面等客攞嘅只系有两份，仲要已经冇晒堂食客！
另外我明明已经系OpenRice用卡俾晒钱，去到竟然话俾我听要收$20外卖盒嘅费用，真系好奇怪。你写得系外卖自取嘅Booking，唔系应该已经包括外卖盒嘅费用㗎啦咩？如果唔包，亦都应该系OpenRice收钱嘅时候包括呢一栏。去到现场仲要俾钱系咩玩法？！
谂住好食嘅话算啦，见到咁多好评，但食完之后发觉真系名过于实。个卤水猪肠超级咸，啲肉又全部纸咁薄，唔好食。个汤底又唔够味，鸭血亦极少，真系食任食嘅台式火锅好过佢！价钱仲要唔平，呢一餐承惠$1400.
个人来讲就一定唔会再帮衬，俗语有话贵精不贵多，可惜佢系又贵又唔精。帮衬完呢次之后，香港店不了，台北店亦唔会试。太失望。
张贴
