Simply Bread (已結業)

Simply bread开既时候有唔少宣传,话包款有几多几特别,仲话系全港首间bread boutique,但系愈做愈差,价钱又set得贵,我琴日食左佢两款包,觉得仲差过一般bakery,相当唔掂!先食一个叫芝士菠菠既包,一条长形,以四个小小既圆形好似波波咁既包组成,包上面有芝士同埋菠菜碎,虽然菠菜碎几多,但系味道淡,而芝士则只系油而唔香浓,根本唔好味!再食一个由三个小包组成既包,品字形咁,已经唔记得个名,原来一个个馅系红豆,面头有芝麻,不过红豆只系一pst野,无红豆粒既,但已经系成个包最好味既一部分,另一球系吉士馅,得个甜字味道比唔上美心既雪果拿破仑既吉士,唔系同一集团既咩?点解差咁远?最后一球系朱古力酱馅,包面系朱古力碎,普普通通,ok而已,绝无惊喜,又系好甜咁啰!唔可以话好味!唔好味都算,只要唔难食都得—如果系平既话!以佢既价钱,一d都唔值!唔打算再帮衬!