吉吉點 (已結業)

因为收工要去拎淘宝，又未食野，路经呢间话2蚊点心，即入去医下肚先。入到去地方整齐干净，炎夏入去冷气都几足，哈哈，坐得都舒服，两人嗌下嗌下嗌左八样野，但价钱平得过分，真系平靓正丫！流沙包：好好食丫，即嗌即蒸，包好软，流沙多，但又吾太甜，我自己一个人食左两个都仲想食丫！蜜瓜脆脆卷：呢个最特别，因为出面冇食过，而且又平，做特价先2蚊，但吾会hea，大大条，脆卜卜，入面系蜜瓜流心，热辣辣正！萝卜糕：又系2蚊特别嗌嘅，煎得好香，外脆内嫩，仲要份量多，共六件丫，好多人客都有嗌呢个！鲜虾蒜芯饺：饮茶紧系要食返虾饺先叫饮茶啦，又系冇得输，皮薄涵靓，好味道！鲜虾肠粉：喜欢它切到大小适中，放便食，肠粉好滑，件件都食到一至两粒虾，落足料！蟹子烧卖皇：两大粒，但好像蒸完少少干左d，系呢个期望高左d，不过都系好食嘅，系干少少姐。牛拍叶：系我个人喜好，落左姜蒽，少少辣椒，分外惹味。香滑鲜奶冻：作为饭后甜品，奶味浓郁，冻透心，好味又圆满丫。最惊喜系个价钱，大家估下食左八样，嗌左香片茶，total几钱？？？先129咋，真系坚平，正！值得推介！