影片
更多
2017-10-10
864 浏览
有时去过一些食店觉得出品唔错，就谂住下次可以约朋友来饭局聚会。点知....上次明明好地地今次就完全走晒样！朋友唔出声自己都唔好意思。但呢度系唯一无论自己或聚会嚟过N次，但每次都能保持水准兼人人叫好食嘅越北菜小店！大虾莲藕苗沙律—较少食到沙律内有莲藕苗，调味微酸带辣酱汁非常清爽开胃。白灼猪肚—猪肚洗得干净，软腍无渣。用芽菜同金不换拌食再蘸辣椒鱼露，系北越当地受欢迎小食。椰青花螺—每次嚟食完一客都会再Encore!鲜甜、微辣..连汁都饮埋。鱼露煮大蚬—蚌无货而且来价太贵，近期转了用大蚬。鲜甜充满香料味道，大蚬嫩滑仅熟。烧鹌𪂹—非常入味而且肉质嫩滑。猪肉米粉包—充满香茅味的免治猪肉加入菠萝、青瓜、腌萝卜丝及檬粉再用米纸包住蘸鱼露嚟食，多重口感味道。蟹肉米纸包—可算是一件正方形春卷，松脆外皮咬落满满蟹肉加上春卷馅料。越式烤乳猪—效果唔似中式沙皮亦唔似葡式的光皮，入口一様皮脆肉嫩，有趣系配上葱油来食！椰青煮蟹—从来没谂过椰青的清甜加上香叶提味会同蟹肉系绝配！呢道菜要预定，主理人会去街市留货。每一次嚟食都系实肉爆膏！暂时收到消息是会营业到30/10，会不会另觅地方重新出发或以其它方式出现？还是未知
有时去过一些食店觉得出品唔错，就谂住下次可以约朋友来饭局聚会。点知....上次明明好地地今次就完全走晒样！朋友唔出声自己都唔好意思。但呢度系唯一无论自己或聚会嚟过N次，但每次都能保持水准兼人人叫好食嘅越北菜小店！
大虾莲藕苗沙律—较少食到沙律内有莲藕苗，调味微酸带辣酱汁非常清爽开胃。
白灼猪肚—猪肚洗得干净，软腍无渣。用芽菜同金不换拌食再蘸辣椒鱼露，系北越当地受欢迎小食。
椰青花螺—每次嚟食完一客都会再Encore!鲜甜、微辣..连汁都饮埋。
鱼露煮大蚬—蚌无货而且来价太贵，近期转了用大蚬。鲜甜充满香料味道，大蚬嫩滑仅熟。
烧鹌𪂹—非常入味而且肉质嫩滑。
猪肉米粉包—充满香茅味的免治猪肉加入菠萝、青瓜、腌萝卜丝及檬粉再用米纸包住蘸鱼露嚟食，多重口感味道。
蟹肉米纸包—可算是一件正方形春卷，松脆外皮咬落满满蟹肉加上春卷馅料。
越式烤乳猪—效果唔似中式沙皮亦唔似葡式的光皮，入口一様皮脆肉嫩，有趣系配上葱油来食！
椰青煮蟹—从来没谂过椰青的清甜加上香叶提味会同蟹肉系绝配！呢道菜要预定，主理人会去街市留货。每一次嚟食都系实肉爆膏！
暂时收到消息是会营业到30/10
，会不会另觅地方重新出发或以其
它方式出现？还是未知数。有心的可休业前去试试这吃过会怀念的味道！
椰青蟹
45 浏览
0 赞好
0 留言
张贴
