北正宗 (已搬遷) 新店位置

朋友帶我來新蒲崗食飯，真心覺得幾遠，但係原來呢間餐廳都幾有特色，雖然佢嘅裝修好親民，座位都唔係特別好舒適，但係食飯真係好驚喜。乳豬比葡國餐廳更加好食，配中式香葱蓉因為特別味道不算很濃，但係本身乳豬燒得好香脆，乳豬底部同入面都好夠味越式煮海螺$88用香辣鮮椰肉椰汁煮成椰汁味好濃郁，煲入面仲有一大塊野青玉當中帶一點辣味，味道好清新，再配上油炸鬼進食，感覺真係好得意。呢一個汁料如果配飯真係非常好味。米糕質感同口感有點像稀嘅蘿蔔糕，但係其實佢冇味嘅，完全要靠魚露調味。

有時去過一些食店覺得出品唔錯，就諗住下次可以約朋友來飯局聚會。點知....上次明明好地地今次就完全走晒樣！朋友唔出聲自己都唔好意思。但呢度係唯一無論自己或聚會嚟過N次，但每次都能保持水準兼人人叫好食嘅越北菜小店！大蝦蓮藕苗沙律—較少食到沙律內有蓮藕苗，調味微酸帶辣醬汁非常清爽開胃。白灼豬肚—豬肚洗得乾淨，軟腍無渣。用芽菜同金不換拌食再蘸辣椒魚露，係北越當地受歡迎小食。椰青花螺—每次嚟食完一客都會再Encore!鮮甜、微辣..連汁都飲埋。魚露煮大蜆—蚌無貨而且來價太貴，近期轉了用大蜆。鮮甜充滿香料味道，大蜆嫩滑僅熟。燒鵪𪂹—非常入味而且肉質嫩滑。豬肉米粉包—充滿香茅味的免治豬肉加入菠蘿、青瓜、醃蘿蔔絲及檬粉再用米紙包住蘸魚露嚟食，多重口感味道。蟹肉米紙包—可算是一件正方形春卷，鬆脆外皮咬落滿滿蟹肉加上春捲餡料。越式烤乳豬—效果唔似中式沙皮亦唔似葡式的光皮，入口一様皮脆肉嫩，有趣係配上蔥油來食！椰青煮蟹—從來沒諗過椰青的清甜加上香葉提味會同蟹肉係絕配！呢道菜要預定，主理人會去街市留貨。每一次嚟食都係實肉爆膏！暫時收到消息是會營業到30/10，會不會另覓地方重新出發或以其它方式出現？還是未知

上月車爸爸的生日飯我們再次選了到新蒲崗的北正宗吃越南菜，為何又要再次選擇到此？當然食物質素出色是就係其中誘因，最重要是店方只營業至月尾便要暫時結業！那正好末一次臨別秋波的飯聚吧！ 高興的日子當然要碰一個同杯慶祝吓啦，而這夜我們一共飲咗4支美酒十分滿足啊！ 首先來一碟大蝦藕心雜菜沙律，內裏滿滿清脆的沙律菜，加上獨特的爽口蓮藕心及大蝦口感十分豐富呢！而且份量亦十分足夠呢！ 接下來當然要回味這個香茅魚露浸大蜆，肥美肉厚的大蜆鮮甜無比，那湯汁更是靈魂所在呢！ 接力的椰青蒸糕蟹也絕不失禮！頂角蟹膏令人想入非非！那口湯更是靈魂相認的橋樑，呷一口先有海水的鹹鮮再來是椰青的甜，這味道總叫人對它死心塌地！！ 今次更有新菜式越式香辣炒瀨尿蝦，大大隻的瀨尿蝦用了惹味料頭炒香看得見的吸引！ 車爸爸最怕剝瀨尿蝦殼OK交比我啦樂意服侍我老細，瀨尿蝦肉質結實冇變水証明係新鮮靚貨。 大家都將焦點放在料頭上，就來一碗淨檬粉來混吃吧！ 再來的是河內叼草白鱔伴撈檬，賣相很美的白鱔連味道也一絕，輕輕的叼草香氣伴隨彈牙的鱔球咬下令嘴巴充滿生氣很曼妙的感覺。 另外再重溫這客脆炸蟹肉香葉肉碎米紙球，香脆的米纸內包滿蟹肉及鬆化肉碎，

🐷越式豬腩肉撈檬 $64 (午市套餐)賣相唔錯😍好足料 一個套餐仲包括一個精選餐飲(咸檸七、青檸梳打等等)🍹同一個沙律小食🥗 價錢都合理😁至於味道呢🐷豬腩肉好入味一啲都唔韌 好有燒烤風味🍢撈檬份量都幾多下 好多配料撈埋一齊食 味道唔錯😝值得推介😆

是日尖子帶著筆者到訪隱世餐廳, 來到有點名氣的北正宗. 週日晚上七時多到達, 沒有訂枱的關係, 只剩下bar 枱, 很旺場呢! 店內地方也不小, 裝修感覺很warm, 不論三五知己, 情侶或是家庭客也很適合在這裡開餐呢! 看看其特大的menu, 點選了河內雜錦牛湯河(HK$72), 越式燒豬腩肉撈檬(HK$60), 越式燒牛柳撈檬(HK$68), 鮮蝦扎肉紙米卷 (HK$58). 侍應先送上, 河內雜錦牛湯河, 賣相不錯, 感覺很豐富呢! 有生牛肉片, 牛丸, 扎肉, 牛坑腩. 試一口湯底, 感覺ok, 牛的味道雖然不算濃, 但香葉,九層塔的味道挺出, 挽回不少分數. 試一口生牛肉片, 有點厚身, 不算特別嫩滑, 正常水準. 牛坑腩不算很淋軟, 根部的位置也比較難咀嚼, 水準一般. 牛丸反而不錯, 看似是自家制, 入口彈牙又不會過分死實. 扎肉有驚喜, 筆者不是扎肉控, 但也覺得這片扎肉很美味, 其肉味非常濃郁, 很讚! 越式燒豬腩肉撈檬, 賣相非常驚嚇, 燒豬腩肉好像染色似的, 有點像超級市場內已醃制的BBQ肉. 試一口, 燒豬腩肉挺軟滑, 甘香也有, 就是比較肥啊! 撈檬味道正常.

常常說，這裡是城中其一最好的越南菜店....先後兩趟來吃午及晚飯，兩頓都吃得令人相當愜意。事隔良久再重臨，食物水準依然KEEP得到，甚為難得....燒豬腩肉撈檬，調味偏走重口味路線，腩肉軟熟味濃惹；配合酸酸甜甜的醃紅及白蘿蔔絲，加上越式魚露混和呈米白色的凍檬來吃，越嗒越惹味開胃，最啱在炎炎夏日底下去食....蒜茸牛油雞翼就更是另一重口味的表表者 ---- 牛油味極重極濃；炸蒜粒沒見過火帶焦香鹹鹹哋同樣惹味。其份量是舖天蓋地之多最後索性齋吃之已覺回味；雞翼皮甚脆口而肉仍能維持多汁軟嫩的狀態，難得....在本地的越菜店，能做得到如斯水準的著實不多。特別是喜歡重口味的，更應當去試試....

平日同朋友兩人到新蒲崗搵食！我一向對越南菜有情意結。朋友介紹lee間點左一個檬粉，米紙包，同沙律佢個撈檬同平時果d吾同，問店員，店員話係正宗檬粉同其他鋪吾同，食落又好好食，不過係易碎d,一撈断晒！！哈哈！個沙律好大碟，仲有金不換，好香好香！！另外仲有個米纸包蟹肉，有粉，有肉碎，有蟹肉，兩大個！我一個食晒已經好飽，食吾到其他野！！飲品我飲左個咸0疏打！好好飲，完全吾甜，好正！朋友飲左個越南啤！！值得一食！好正！！

有次睇雜誌介紹呢間餐廳，話食越北菜，咁啱同事有揸車，就揀咗黎呢度，自此就愛上。舖頭唔大，好彩12點半前來到，之後開始多人，午餐餐牌有10多款，每次都會叫咖哩牛腩飯，另外今次叫咗雜錦牛湯河，呢兩款餐都送沙律同飲品，湯河仲送油炸鬼。咖哩牛腩飯唔辣，有幾件牛筋同牛腩，鍾意佢炆得好淋，配飯一流。牛河湯偏淡，有生熟牛，扎肉同牛丸，食完好飽。送嘅菜絲沙律都幾大碟飲品選擇多，有薑茶，鹹檸七等，每人$70物有所值

嘩！哩度性價比爆燈！我食左5次先黎打食評，我都有啲唔好意思！最近哩次係星期六下晝黎食，佢地12點開門，我做第一個客人，食完果刻12:45，Full House ，証明唔係我一個話 掂 ！平時常叫生牛肉湯河，今次是個特別啲，扎肉湯濛 平時食開嘅扎肉係一片片，好薄身，哩度係炸架！個湯濛仲熱辣辣，到食完果刻仲出緊煙如果叫湯河，佢仲會送個油炸鬼畀你，別有風味哩個濛粉都係50-60蚊，仲有個餐飲跟埋，黎試下，一定唔會失望

姊夫說找到一家好特別主打越北菜的菜館，於是打著慶祝父親節的名號一家人出發到「北正宗」尋找越南菜滋味。餐廳在Ｍｉｋｉｋｉ附近，一進店舖有種小清新風格，播放著越南的歌曲，簡單溫暖的基調，大概能容納２０多人的小店。因為同行的人比較多，所以可以多試幾款食物。首先我們點了兩款沙拉。先上的是香煎牛柳香草雜菜沙律，份量不大不少，四個人分享來吃作為前菜剛剛好，醬汁酸酸甜甜非常開胃。當我吃上一口牛肉時，更忍不住發出「嗯～～～」的聲音，因為牛肉非常香軟，餐廳負責人更補充說最近特別把牛肉加厚來做才做出這個效果，非常令人有驚喜的一款沙拉。第二款沙拉叫了豬腩肉蓮藕心沙律，第一次吃蓮藕心覺得挺有趣，爽爽脆脆的。沙律的醬汁跟烤牛肉沙拉一樣，作為開胃菜也是不錯的選擇。然後我最期待的脆炸蟹肉香葉肉碎米紙球登場，平時越南菜都會食到米紙卷，但炸米紙球真係第一次食。炸米紙球包滿蟹肉、肉碎、粉絲等，非常足料，剪開後四個人分剛剛好，配上酸酸辣辣的醬汁，非常滋味。提到越南菜一定會想起金不換的香味，接下來上菜的擺盤很漂亮的豬肚。豬肚單吃其實沒什麼味道，口感非常軟。店員建議用金不換和芽菜包著再點附上的黑椒辣汁，金不換味道在口中即是大爆

今晚叫左北正宗一個豬腩肉撈檬同蟹球共$143。檬汁一般，無咩突出的味，好中庸，微酸微咸，鍾意淡味的客人會鍾意，我就覺得撈檬最重要係個汁，個汁好可以加好多分，呢個我覺得麻麻，汁入面浸左數片青瓜及紅蘿蔔，好咩味，豬腩肉都一般。檬粉正常會帶酸，令食客有開胃感覺，呢碟無發揮到。之後那個蟹球，外脆入面包左粉絲、黑木耳絲、豬肉碎及蟹肉，我覺得新鮮炸，脆，但有d位有d硬，口感有點鞋，呢個都一般，我之前中午食那個雞球飯，味濃，飯香，午餐仲送野飲，晚餐無咁抵食

位於Mikiki對面，店面小小但裝修幾有心思。主打越北菜。越南菜都算較常見，但講明越北菜就真係少聽，作為吃貨當然要試下。午餐時間店內坐滿人，要等一等位價錢唔算貴，包野飲同小食，而且選擇幾多，直情係花多眼亂！每個餐都附送油炸鬼，唔知係咪越北菜特色（？！），油炸鬼脆得黎唔油膩，放落河粉嘅湯入面浸一浸，味道幾特別照例由湯試起，冇想像中咁濃味，同印象中好重香料味嘅越式菜有少少分別，比較清淡。至於牛肉，鮮牛肉幾厚身，同平時簿片浸湯即熟嘅有少少分別，厚身牛肉嘅口感同肉味更合我心牛腩好軟滑，似平時食牛展嘅口感，同樣唔重調味，食到牛肉本身嘅味道河粉係窄身嘅，好爽滑，仲要讚一讚芽菜，爽口得黎冇'渣'，連平時唔食芽菜嘅我都食左唔少！加埋餐配飲品，完美滿足嘅午餐！畢竟未食過越北菜，正唔正宗比較唔到，但味道令我非常滿意

近期喜歡去唔同地方搵食, 今次來新浦崗. 來前已經鎖定目標食越南野. 晚市開6時半, 我同友人6時40分左右到達,入面已經坐左幾枱客.店鋪唔算好大,不過勝在光猛, 就算安排同其他食客坐同一張枱, 但大家都有足夠距離唔會坐得唔舒服. 2個人叫左個走地雞湯粉; 牛柳紙米卷同埋椰肉椰漿大蜆.3款食物當中我自己最喜歡就係個大蜆,一D沙都無好鮮甜, 基本上我不自覺地連湯底都飲左好多. 雖然用左椰漿做湯底, 但唔會太濃係帶清甜椰子味同個大蜆好配合.再來既牛椰紙米卷都同樣出色, 牛椰無筋好重牛香.最後既走地雞湯粉就有點令我失望. 雞肉可能俾左雞胸位有點鞋口, 而個湯底亦唔算特別清甜只屬一般.整體上食物都做得出色, 下次有機會再來要試埋其餘美食.地址:新蒲崗景福街87號地舖

日前朋友話想去新蒲崗食飯，好彩公司附近有車到，否則真係唔想去咁隔涉我地7個人分別order左9樣野食，埋單仲好抵 $1100唔洗，真係值得推介！老闆好好人介紹好野我地食，員工服務又好！還好位置係Mikiki 同越秀附近，所以都唔難搵既！香煎牛柳香草雜菜沙律-我覺得好好食，牛柳 juicy 正浮萍餅-即係米糕，似蒸蘿蔔糕北越家鄉白灼豬肚-好好食，我食左好多特脆牛油雞翼-好味到停唔到口，俾多碟我鮮蝦豬腩肉蓮藕心沙律-幾得意口感香茅魚露浸胭脂蚌-可以一試脆炸蟹肉香葉肉碎米紙球-好好味街頭燒鵪鶉-老闆推介，肉夠滑，皮夠香法式香草牛油焗牛骨髓-老闆推介，又係好好味餐廳免開瓶，又有酒杯提供又有冰桶，真係好服務

週日特意走到這裡午膳，原因是姆明想吃「香口嘢」。今天吃的是「假日午餐」的餐牌，跟平日的不同，但價錢差不多。檬粉選擇只有兩個。要吃「香口嘢」，當然就要選擇燒牛肉這款的。喜歡這裡的檬粉，像幼身的米線，聽說還是自家製的，跟一般越南餐廳吃到的很不同。口感清新、新鮮，我和姆明都很欣賞。至於燒牛肉，用的都是牛柳粒，真的燒得非常「香口」，而且份量不少。凍檬裡的生菜絲和蘿蔔絲比例也恰到好處，但個人認為如果再多加點會更清新，消除燒牛肉的「膩感」。撈檬的汁是另外用小碗上的，跟別的越南店用一個壺盛著的不同。汁的味道調得還可以，但本人嫌稍微偏甜了一點，如果再增加多點酸味會更開胃！餐飲點了青檸梳打，跟這個撈檬——絕配。不過由於撈檬裡面含大量蔥蒜，食完真的「好香口」，連我自己都受不了，要趕快回家刷牙！