秋嵐日本料理

营业中

休息中

见最近咁多人都话好食就Book定，谂住叹下。点知俾钱买难受，再好嘅食物都弥补唔到。坐低咗，个冷气吹到正，但𠮶日餐厅好爆都冇乜可能调位，叫侍应较下个冷气但系被无视。谂住算啦，拿拿临食完走，点知等咗成30分钟都未有得食。不过隔离枱叫先都等咗阵，牛舌即叫即烧要等都合理。点知等到我哋之后𠮶一枱客都有得食，就决定催下，系咪嚟错咗呢，点知原来系漏单。𠮶时已经等咗50分钟。侍应之后话叫咗师傅即刻再烧，到有得食𠮶时系等咗70分钟。另外个套餐托盘嘅角落有好多食物残渣......食物系好食，但系你见到个客坐系度咁耐，枱面乜都冇都唔识问下？可能我太仁慈唔催你，见你又贴晒告示话请唔到人手，叫客人多多体谅。抵唔抵食就见仁见智喇，用一个钟等一餐饭，食埋个半钟，以为食紧fine dining。或者要做西客先会有好啲服务，先会快啲有得食。请都唔会再去。