文輝墨魚丸大王

营业中

休息中

今日外出办事，搞掂准备返公司嘅时候，经过一条巷仔见到有人系一间店仔排队，都几多人，刚好有D肚饿，就过去睇睇卖咩食嘅，原嚟系文辉墨鱼丸大王，咁多人排队食应该出品唔错啦，就排队试下好唔好食。既然系墨鱼丸系特色，甘我就点左个墨鱼丸清汤，一碗有六粒墨鱼丸，分量感觉有D少，不过咬左第一啖鱼丸就觉得这个算系抵食喇，唔系出边果D咁淀粉多过鱼肉，呢个可以食得出墨鱼分量比例几大，又做得好弹牙，绝对系良心作品啊，跟住再试下个汤底，好清甜，做得比较用心，下次要朋友仔过嚟试下。墨鱼丸烧卖，无墨鱼丸甘弹牙，但馅料都系以鱼肉为主要，调味刚刚好，食落好香，可以值得一试。潮州粉果，皮整得好弹牙，馅料味道又好，都几好食。