蒂蒂香 (已結業)

今日迟左食lunch, 系湾仔谂住随便揾啲野食, 记得轩尼诗道有间舖成日系门口度loop 录音, 一于去试下。去到唔系好多人, 即刻有位坐。Order左个鱼蛋河($28)同3件韭菜粿($13)上菜都算快, 见佢得3粒鱼蛋同2件鱼片, 心谂值唔值28蚊呀, 谂都未谂完就粒鱼蛋放入口....好好味呀, 好好味既鱼蛋呀, 点解要俾我食到咁好味既鱼蛋呀!!鱼蛋弹牙之余仲好有鲜味, 唔似平时既鱼蛋加左粉。鱼片有啲硬, 麻麻。之后上左韭菜粿, 煎得几香口, 个皮够薄又多韭菜, 好好食。如果佢可以印一印啲油先上碟就更好。