影片
更多
2022-12-21
3828 浏览
深水埗附近买完野顺便食个晚餐。醒起呢年好出位既农场餐厅就系呢头，本住试伏既心态去试，点知竟然系尽与而归。先旨声明我唔系收钱写，系食完之后好满意，小心眼既我唔抵得某啲艺人借人上位、某啲网民跟风，我先系到写个食评帮手平反下。食物方面，太后叫左份9盎羊架 ($98 无餐跟)，我就叫左个牛魔王套餐1号 ($168) 。羊架7成熟。摆得都叫靓仔，又够大份；羊肉嫩口，够香，但小小膻味走唔甩。不过呢个价位你想点？出面一条架都卖你$40啦...牛魔王套餐1号包左12盎肉眼、法国水晶虾、翡翠螺。随餐跟西汤、汽水、凤凰卷(??)同埋一份小食 -- 半只烧鸡。只烧鸡泥到真系以为上错，一问先知系原来系跟套餐既小食... 而同场另一台都有叫套餐既客见待应无啦啦每人上左半只鸡都打左个突，即刻问系唔系上错菜。只鸡系香滑嫩口既，唔系渣流滩。根据本人成日被迫帮衬Cafe既经验，呢份野加兜薯条已经系一个$150 up 既main。再讲呢份主菜。肉眼3成熟，肉嫩多汁无筋，比好多扒房都好味。12盎咁既质素$168 (仲未计配菜同随餐附送) 可能真系要去牛场买牛自己煮先得。另外特别想提一提只虾可以拣刺身或煮熟。我多口问左句点解
食物方面，太后叫左份9盎羊架 ($98 无餐跟)，我就叫左个牛魔王套餐1号 ($168) 。
羊架7成熟。摆得都叫靓仔，又够大份；羊肉嫩口，够香，但小小膻味走唔甩。不过呢个价位你想点？出面一条架都卖你$40啦...
牛魔王套餐1号包左12盎肉眼、法国水晶虾、翡翠螺。随餐跟西汤、汽水、凤凰卷(??)同埋一份小食 -- 半只烧鸡。
只烧鸡泥到真系以为上错，一问先知系原来系跟套餐既小食... 而同场另一台都有叫套餐既客见待应无啦啦每人上左半只鸡都打左个突，即刻问系唔系上错菜。只鸡系香滑嫩口既，唔系渣流滩。根据本人成日被迫帮衬Cafe既经验，呢份野加兜薯条已经系一个$150 up 既main。再讲呢份主菜。肉眼3成熟，肉嫩多汁无筋，比好多扒房都好味。12盎咁既质素$168 (仲未计配菜同随餐附送) 可能真系要去牛场买牛自己煮先得。另外特别想提一提只虾可以拣刺身或煮熟。我多口问左句点解可以剌身，职员答番只虾系法国水晶虾 (天使虾)，系剌身级既虾。可惜系上菜时只虾(同螺)无分上，捞左D牛扒汁，搞到成件事扣左少少分，假如餐厅另上海鲜又会系另一回事。不过瑕不掩瑜，生食够弹牙，虾头啲膏好鲜，无碍成为一条好虾。
环境方面，开系深水埗系咁架啦，你想坐靓啲咪去食Cafe啰。当然啦，小小意见，open kitchen 真系要个好小小既抽气扇，唔系成间餐厅都几迷幻下，希望老板会执好少少个环境，等大家都食得开心啲。
服务方面，老板主内，另加一个楼面做晒个场。可能因为乜都即煮，出餐要等下，不过等待期间老板会送野你食，成件事平衡番。
总括而言，你要CP值，要食好西既，呢到有。但系仲想要干净企理，锦鲤可能就太贪心啦！
题外话/补充资料：
农场可能个朵唔好，但俾个机会人地，试下先再评论会公平番些少:)
(以上食记乃用户个人意见 , 并不代表OpenRice之观点。)
张贴
