好麵線

营业中

休息中

其貌不扬嘅米线，睇唔出我系佢嘅拥趸。开头系朋友介绍之下，去呢间小店度食，试过一次之后，就经常性再帮衬。一定要推介嘅系佢嘅手工饺子，同平时喺出面食𠮶啲好唔同，佢嘅用料调味都配搭得非常之好。同埋佢嘅麻辣，系真系好香同埋够辣，虽然有阵时会食到流晒汗，但系钟意食辣嘅人都知道，越流汗越爽皮另外，佢嘅饮品都系好足料，唔会好似出面啲餐厅咁都好求其俾少量嘅材料然后开好多嘅水。临走𠮶阵，店主话我知佢哋嚟紧会放假，放到去二月先再开，好彩林尾都识到多一次。同埋好彩系放假啫，近年咁多食肆执笠，佢哋都仲可以放个几月假，应该都冇咁易执笠嘅，二月再返去食。