影片
更多
2010-05-14
13 浏览
上个月睇报道, 好似好吸引, 嚷著要食, 打左成日电话都唔通, 我地又系旺角, 3-4点咪行上去book啰, 点知原来佢个得一个电话, 未停过响, 上到去话一早full了, 要我们白行一趟. 今次 bf 再book, book到啦!6点到, 本来好憺心会迫, 但系我地早, 有得两个人坐四人卡位, 四人位其实才够位, 因为之后好多发泡胶duo. 我地坐得好舒服, 不过迟黎的话要坐得好迫, 见到其他人食到非常唔方便, 低d EQ都唔得, 旺角㖞, 打交就大煲, 所以下次book唔到卡位我唔会黎食食物:海鲜船 - 几好, 有迷你小柱x4 , 虾x1 , 蚝x1 , 熟青口x1 , 墨鱼x1. 我冇影相, 似系之前食评冇咁靓个d相啦, 不过味道冇问题既, 蚝几好!汤底 - 椰子鸡:好好味; 3.6奶木瓜鱼:好味, 两锅个味有d似, 食完唔太口渴, 味精唔多! 食其他肉时个味唔太突出, 唔会盖过食物本身味道, 一食山根同菜就知个汤好味海鲜: 濑尿虾 - 有d新鲜有d霉, 不过估唔到佢有供应, 好开心 大只螺, 蚬 - 好新鲜, 开始个时有几只会郁的 仲有2种鲜鱼, 冇食到, 雪柜
上个月睇报道, 好似好吸引, 嚷著要食, 打左成日电话都唔通, 我地又系旺角, 3-4点咪行上去book啰, 点知原来佢个得一个电话, 未停过响, 上到去话一早full了, 要我们白行一趟. 今次 bf 再book, book到啦!
6点到, 本来好憺心会迫, 但系我地早, 有得两个人坐四人卡位, 四人位其实才够位, 因为之后好多发泡胶duo. 我地坐得好舒服, 不过迟黎的话要坐得好迫, 见到其他人食到非常唔方便, 低d EQ都唔得, 旺角㖞, 打交就大煲, 所以下次book唔到卡位我唔会黎食
食物:
海鲜船 - 几好, 有迷你小柱x4 , 虾x1 , 蚝x1 , 熟青口x1 , 墨鱼x1. 我冇影相, 似系之前食评冇咁靓个d相啦, 不过味道冇问题既, 蚝几好!
汤底 - 椰子鸡:好好味; 3.6奶木瓜鱼:好味, 两锅个味有d似, 食完唔太口渴, 味精唔多! 食其他肉时个味唔太突出, 唔会盖过食物本身味道, 一食山根同菜就知个汤好味
海鲜: 濑尿虾 - 有d新鲜有d霉, 不过估唔到佢有供应, 好开心
大只螺, 蚬 - 好新鲜, 开始个时有几只会郁的
仲有2种鲜鱼, 冇食到, 雪柜另有龙脷柳, 好大雪味唔好食!
菜&菇: 嫩, 好新鲜同理洗/切得好企理
云吞: 蚵仔个只-食唔到蚵仔味, 不过味道都唔错/ 自家做个只- 好味㖞!
冻柜肉: 我就仲意如下: 牛>cold cut>猪>牛展, 质素都中上啦, 唔会结冰/水滴滴出血水!
其他特别d既: 唔un 唔多肥既猪面青, 干脆炸鱼皮+炸枝竹, 墨鱼滑, 贡丸, 猪肉丸, 酱油区可以加我最钟既芫茜, 蒜泥, 炸蒜粒 (但芝麻酱就好怪味 ) 加理完满既牛奶公司朱古力雪条1枝做甜品 (豆腐花系引人既, 我咁早去都冇)
服务: 后生仔同阿姐都好有礼貌, 你有需要时佢地好主动帮
In my case:
- 起初怕有d呃呃地既成份, 但系又冇㖞, 我地食早段 (7:30pm前走人), 有9折, d野食同坐位都冇俾正价时段差, 冻柜d肉都一叫就俾, 唔会排一轮得少少咁
- 又唔会花好多时间拆保鲜纸, 不过真系唔多环保, 但d食物又因为咁而的确好企理! 可能用胶器具唔用发泡胶会好d?
- 每盒仔食物, 得3粒, 不过因为个度好多选择, 我地1男1女食, 样样都系食少少, 刚刚好, 冇一样系要拎两盒, 冇浪费. 而我地返啅既海鲜同冻柜肉都唔系pre pack, 所以冇问题
- 100 min系ok既, 唔会太赶, 由于我地今次唔系太肚饿, 所以早15 min就收手食雪条了
- +$10可任饮, 抵既不过我地唔想饮.
- 个日有十几个中学靓仔不时起哄咁玩住食, 都几嘈杂, 想可以顷住食就睇运啦
- 唔恨食咩Twins丸冠A肠, 不过真系唔见日提夜提既twins丸㖞!
唔计佢系咪咩'台式自助', 未食过任食火锅会咁新鲜同有咁多海鲜, 好满意. 希望下次黎都仲keep住系咁, 不枉我咁次打咁多字
张贴