影片
更多
2022-03-06
514 浏览
落咗巴士，谂住去个厕所，准备好一切就开始出发。但有少少开始肚饿。。心谂茶水亭会唔会有辣味海鲜杯面食呢行埋去睇吓个餐牌，原来有餐蛋面，鱼蛋烧卖。。今日天阴阴凉凉哋又有啲饿，系郊野公园竟然有面食，实在太大诱惑，就叫咗碗肠蛋面同鱼蛋烧卖。比完钱叔叔叫我哋揾位坐，佢会攞碗面埋嚟比我哋，唔洗5分钟碗面已经煮好，虽然系普通嘅福字面但系叔叔煮得好弹牙，只蛋仲煎到条边好香脆，肠就系一般嘅肠仔。鱼蛋比较淋，但系唔腥嘅，烧卖就普普通通，喺荒山野岭有碗热面食同有鱼蛋烧卖食已经系清泉多谢叔叔煮左碗好食嘅面比我医肚，好彩食咗碗面先上山，如果饿着睇怕都好难完成今日嘅旅程
张贴
