大坳門茶水亭

营业中

休息中

落咗巴士，諗住去個廁所，準備好一切就開始出發。但有少少開始肚餓。。心諗茶水亭會唔會有辣味海鮮杯麵食呢行埋去睇吓個餐牌，原來有餐蛋麵，魚蛋燒賣。。今日天陰陰涼涼哋又有啲餓，係郊野公園竟然有麵食，實在太大誘惑，就叫咗碗腸蛋麵同魚蛋燒賣。比完錢叔叔叫我哋搵位坐，佢會攞碗麵埋嚟比我哋，唔洗5分鐘碗麵已經煮好，雖然係普通嘅福字麵但係叔叔煮得好彈牙，隻蛋仲煎到條邊好香脆，腸就係一般嘅腸仔。魚蛋比較淋，但係唔腥嘅，燒賣就普普通通，喺荒山野嶺有碗熱麵食同有魚蛋燒賣食已經係清泉多謝叔叔煮左碗好食嘅麵比我醫肚，好彩食咗碗麵先上山，如果餓着睇怕都好難完成今日嘅旅程