影片
更多
2016-07-15
1147 浏览
如果你系九年未食过嘢嘅饿狗，对食物全冇要求，呢间一定啱你，请客摆酒？面子都冇埋！服务：1.我们一行10人预早订咗台谂住为朋友庆祝生日，6点半左右陆续到达入座，室外35度大暑天入到去感觉很焗，问伙计系咪未开冷气？个伙计居然反问我地：你地好热咩？2.除咗一个睇落似新移民阿姐“招呼”我地“饮咩茶”之外，基本嘅招呼全冇，无人走嚟问你地“想食啲乜”，更加唔使指意有人埋嚟会介绍啲好嘢、招牌嘢等等呢啲酒楼基本动作。菜式：我地免烦拣咗个睇落菜式唔错嘅套餐：乳猪全体、翅、节瓜瑶柱甫、蚝油鲍片生菜、大虾伊面......八大𩠌 （够晒抵），制作效率：点菜之后唔使几分钟，啲菜出晒嚟摆满你张台，哗！啲厨师煮嘢嘅速度又会快得咁交关嘅？一如所料，以食咗几十年嘢嘅经验话比自己知：啲嘢唔知几耐之前煮定晒，见单就拎出嚟翻热执好个卖相就队晒上台！除咗只乳猪尚算ok之外，1.啲节瓜瑶柱甫淋pet pet无厘味道好似煲过汤攞出嚟摆靓佢上翻个芡，个蚝油鲍鱼仲弊：啲鲍鱼系朱古力咁深啡色嘅你话系即日煮嘅鲍鱼？我点都唔信，条龙趸蒸到又老又鞋......。我地食后嘅强烈感觉系：垃圾！
张贴