Plato Cafe & Bistro (Mikiki)

由落单到上菜，Server 态度都差到爆炸！落单叫set讲左main dish先，个侍应反白眼态度劲差问咁前菜要咩？？我问佢态度点解可以咁差，叫佢叫第二个人黎，佢仲好似想打人咁行走左，但转头又番番黎落单，态度继续劲差。其他侍应都不相伯仲，3条友自己讲嘢劲大声，笑劲大声，当自己屋企咁，劲MK既餐厅环境。其中叫左个「Lobster Spanish Paella 西班牙龙虾海鲜饭」，黎左成个饭系湿既！Menu有个「Boston Lobster Risotto with Lobster Sauce 龙虾汁波土顿龙虾意大利饭」平100蚊，但我系叫paella，因为屋企人唔想食湿既饭先叫个贵100蚊既set写住系paella。我问个侍应我叫paella点解黎左个risotto，佢答我佢地餐厅既STANDARD，PAELLA同RISOTTO系同一样野😂问佢咁点解贵100蚊，佢话因为西班牙龙虾海鲜饭有海鲜，笑死，2只青口1粒带子几片鱿鱼圈。公平啲讲句食物味道唔差，不过啲侍应真系不得了！生日流流同屋企人唔想去咁远，求其屋企楼下揾间食，点知食到成肚气，隔左成个礼拜谂起都劲嬲！