拱照車仔麵 (已結業)

呢间野系香港仔好多年，辣汁出名，车仔面配料做得唔错，今次介绍下。今次试个咩都有既大杂会面$47包冻饮。卖相讨好而且size够睇头，有街坊风味。冻奶茶系包左既，47蚊大大碗包冻饮绝对合理价，唔会话唔抵食。不过几平都好，难食就系死罪，几平都冇x用，即刻讲下好唔好食先。萝白冇渣清甜，唔错大肠入味爽滑，完全唔肥，推介！红肠比普通烧味档好食，肉较弹，试过就知。鸡尖滑，属清淡型，要入味浓味者不推介！鱼蛋有鱼味，烟韧型非弹牙型，睇个人口味。鱼片一样，非弹牙型，要爽弹者不推介！猪皮其实好味，可惜叫左少辣，如果唔系会好好多。齐都一样，好味既，唔够汁啫。汤底同面底就正常出品，冇特别。最推介系辣汁，灵魂所在，香辣野味，推介多汁！总结来说，街坊风味浓，好食既，平有平食贵有贵食，平食30零蚊都有，可以一试既小店。