影片
更多
2006-08-09
29 浏览
8 August 2006 (Tue) - 晚饭一个老朋友生日，当然唔系正日，但系预祝佢生日，请佢黎呢度食饭！预先book位时佢己经问定寿星仔叫咩名，好等佢哋可以将个名写喺佢哋准备既生日咭道，不过佢哋系要食英文架，所以应该比英文名佢，如果唔系就变咗并音架啦！佢哋个set dinner 其实喺佢个网址度揾到，不过我都喺度再讲多次，顺便比少少comment！1. 女人的心(南瓜蕃茄冷热汤) - 如图一，好好饮，佢个蕃茄入面既系冷汤，冰冰凉凉咁，仲好似有啲酒味，出面既南瓜就系热既！叫做女人的心系因为似女人咁忽冷忽热，哈哈，真系好有心思！2. 意式黑醋墨鱼沙律- 如图二，个汁好味，黄黄地色，唔知系乜？3. 香煎鹅肝配鱼子酱- 如图三，My favourite！！一定好食，我好钟意架！4. 香酱焗青口- 如图四，第一次食到咁样整法既青口，绿色既香草配淡淡既青口，OK啦，但我都系钟意牛油，或者𠮶啲红色既汁又辣辣地既配青口！我同老友一人拣一个main course，我𠮶个系：5. 脆皮鸭配红酒汁- 如图五，好美味，又唔鞋，大细啱啱好，唔会太饱，配红酒汁加埋啲薯菜，得呀！老朋友系：6. 红酒烩羊膝-
一个老朋友生日，当然唔系正日，但系预祝佢生日，请佢黎呢度食饭！预先book位时佢己经问定寿星仔叫咩名，好等佢哋可以将个名写喺佢哋准备既生日咭道，不过佢哋系要食英文架，所以应该比英文名佢，如果唔系就变咗并音架啦！
佢哋个set dinner 其实喺佢个网址度揾到，不过我都喺度再讲多次，顺便比少少comment！
1. 女人的心(南瓜蕃茄冷热汤) - 如图一，好好饮，佢个蕃茄入面既系冷汤，冰冰凉凉咁，仲好似有啲酒味，出面既南瓜就系热既！叫做女人的心系因为似女人咁忽冷忽热，哈哈，真系好有心思！
2. 意式黑醋墨鱼沙律- 如图二，个汁好味，黄黄地色，唔知系乜？
3. 香煎鹅肝配鱼子酱- 如图三，My favourite！！一定好食，我好钟意架！
4. 香酱焗青口- 如图四，第一次食到咁样整法既青口，绿色既香草配淡淡既青口，OK啦，但我都系钟意牛油，或者𠮶啲红色既汁又辣辣地既配青口！
我同老友一人拣一个main course，我𠮶个系：
5. 脆皮鸭配红酒汁- 如图五，好美味，又唔鞋，大细啱啱好，唔会太饱，配红酒汁加埋啲薯菜，得呀！
老朋友系：
6. 红酒烩羊膝- 如图六，打电话黎book时佢同我讲可能有啲羊膝会较靭，如果遇到咁既情况，佢话可以换比我哋，呢个都唔错，不过我自己麻麻地羊，但系冇乜酥味，所以唔钟意羊既人都会觉得OK，只系我就觉得少少靭．．不过系可接受既，但比起鸭，我都系钟意鸭多啲！
7. 田螺烩天使面- 我唔记得影低佢，因为佢系喺我哋食紧main course时上既，而我又唔想咁寡地净食鸭，所以我已急不及待咁食起啲天使面啦，一时口快唔记得咗影低！份量系少架，但系食到呢度差唔多饱，所以变得啱啱好．．．好味道，田螺都好似有成五定六只，我冇数，因为初时以为系菇既物体，hehe~~
8. 清香花茶- 真既好香，都唔记得问佢系咩花茶，食到呢度好饱，饮返杯茶坐一阵倾下偈，真系一种享受！老板Sidney (阿Sue个老公)仲会问下上唔上甜品住，我个老朋友想坐阵先，所以话迟啲至上．．
9. 火焰雪山- 如图七，好开心我赶得切衬佢啲火未熄影到(见图蓝色部份系火焰，好浅色架咋)，其实我冇正式食过呢个甜品，但系我觉得好好味，入面既系芒果+云呢那雪糕，酸酸地唔会好饱，正！我个friend话佢食过咁多次火焰雪山，呢个可以话系好正！
Set Dinner 一人$320，免收加一，所以都算唔错，以咁既价钱，比起出面某啲餐厅，呢度既环境，气氛，食物，服务绝对优胜，有机会，一定要再黎！！！
张贴
