旅鍋火鍋私房菜專門店 (已結業)

今次同朋友一齐嚟到尖沙咀嘅旅锅私房菜专门店打边炉，环境真系好有特色，以机场同旅行✈️做主题，睇得出系有心思设计。仲有一条电梯通道，可以俾人打卡，令人非常放松～先讲个汤底，海南椰子鸡🥥好比到惊喜我。我本来以为系少少几块鸡做汤底，点知上咗成只鸡，搞到对食量大失预算，唔觉意点左太多。椰子鸡汤味道清甜，好解渴，可以就咁饮。放晒全只鸡同埋其他材料落去，令汤底更加鲜甜。我哋叫咗250g 新鲜手切牛颈脊，佢呢晚做紧半价优惠，啲牛铺到成个圆碟满晒，十秒就啱啱好熟。 我哋嗌咗一人一只鲍鱼，上网睇要煮5分钟先熟，熟啲比较放心。鲍鱼好爽口，好易就咬开，唔会好韧，值得推荐！手工响铃非常之脆身，唔惊浸耐左会好淋。 手打蟹籽墨鱼滑好弹牙，而贡丸嘅猪骨鲜味十足，冇咩头绪嘅话可以点呢两款试下。杂菜拼盘主要包括生菜、娃娃菜，同埋蕃茄。我哋将蕃茄一早摆落汤度，增加汤底嘅鲜味。莴笋片越煮越淋，唔想咁淋的话，要尽快拎起嚟食，会食到爽脆口感。饮品方面，餐厅本身都有热茶供应，但系我哋想试吓啲特别嘢，所以就叫咗自家制菊花茶同夏枯草，都非常清热气，适合打边炉饮。下次多啲人嚟就可以坐喺房入边，倾得大声都唔会嘈亲人。