影片
更多
2015-10-13
692 浏览
最近日日都落雨落足两个星期，加上工作唔多顺利，真系搞到心情都麻麻地，约朋友去街，落雨湿湿行多两行，又要揾地方避雨，好麻烦。其实都无咩心情见朋友，反而想揾间 Cafe避下世，好好招待自己，透下气。我决定揾一间食 all day breakfast 既 Cafe，慢慢叹番两个钟，消磨下时间。上左一轮open rice, 发觉Zenon Cafe 既 all day breakfast 评价好高，呢一间Cafe我之前黎饮过咖啡，对佢哋用既精品咖啡一试难忘，果种带一点低沉既咖啡浓香，轻轻呷一口混合新鲜咖啡油的奶泡，𠮶种滋味，真系无得输。星期六落豪雨既中环，天阴阴，夹杂打雷声，条条街都好冷静，横风横雨系地铁行上威灵顿街去食 All Day Breakfast，我真系觉得自己有点疯狂，唉，无计啦，要寻找闹市中名不虚传嘅咖啡同 All Day Breakfast 嘛。。。出地铁行左十几步路已双脚全湿，呢种天气真系令人感到进退两难。唔通又折翻地铁翻屋企咩?唯有顶硬上，希望Zenon Cafe 照常营业，俾我呢个傻人好好避下世！原本以为落雨会冇乜人出街，下昼三点几行入Zenon Cafe嘅时候，当堂呆左
我决定揾一间食 all day breakfast 既 Cafe，慢慢叹番两个钟，消磨下时间。
上左一轮open rice, 发觉Zenon Cafe 既 all day breakfast 评价好高，呢一间Cafe我之前黎饮过咖啡，对佢哋用既精品咖啡一试难忘，果种带一点低沉既咖啡浓香，轻轻呷一口混合新鲜咖啡油的奶泡，𠮶种滋味，真系无得输。
星期六落豪雨既中环，天阴阴，夹杂打雷声，条条街都好冷静，横风横雨系地铁行上威灵顿街去食 All Day Breakfast，我真系觉得自己有点疯狂，唉，无计啦，要寻找闹市中名不虚传嘅咖啡同 All Day Breakfast 嘛。。。出地铁行左十几步路已双脚全湿，呢种天气真系令人感到进退两难。唔通又折翻地铁翻屋企咩?唯有顶硬上，希望Zenon Cafe 照常营业，俾我呢个傻人好好避下世！
原本以为落雨会冇乜人出街，下昼三点几行入Zenon Cafe嘅时候，当堂呆左…..里面已经聚集咗唔少同我一人来叹下午茶嘅朋友，轻快嘅音乐、好cool嘅装修、热闹嘅气氛，同店员亲切既笑容，一点都无变！大家似乎都无受到出面天雨嘅影响，带住愉快既心情系度倾计同食野，，Sound good, 打风一个人走左出黎坐 Cafe，一点都唔孤单。
企系门口影左张相，店员已经热情咁过黎同我打招呼，好感恩今日居然俾我揾到一片乐土。坐低之后，我睇一睇个餐牌，有于一心系黎食 All Day Breakfast所以直接落单，呢度既 All Day Breakfast好人性化，每项细节都可以有选择自己中意既食材，教我如何不爱它！
先系蔬菜类--
二选一 : 沙律同焗茄汁豆
蛋白类--
四选三 : 黑豚烟肉，咸牛肉，芝心鸡肠，火鸡扒
碳水化合物
窝芙三选一 : 香蕉，蓝莓，草莓
鸡蛋
选一种做法 : 芝士奄列，炒蛋，太阳蛋，煎双面蛋
净系呢个多彩多姿嘅选择，都用咗我好多时间思考，好彩耐心既店员系我落单嘅时候，都详细地同我说明左每样食材嘅特色同口味，令我呢个有选择困难症嘅性格，可以作出自己最满意既组合！
原本呢个餐系包左一杯黑咖啡，就系因为我唔觉意望到佢有一个新既 Special Drink Menu，于是又开始三心两意，想试吓佢哋呢度特调嘅花茶。
店员见到我又婆婆妈妈，笑住提议我不如杯咖啡临走嘅时候用外卖杯比我带走，系呢度就试吓佢哋最有人气嘅 Roseberry Zen Tea，我都开心接受。
all day breakfast
19 浏览
0 赞好
0 留言
Roseberry Zen Tea
$48
37 浏览
0 赞好
0 留言
挂住欣赏呢杯花茶，差啲冷落左放埋一边嘅 All Day Breakfast
先试下呢个烟肉先~出面食开果有硬又干又热气，呢个烟肉系我食过最好食嘅烟肉。首先烟肉煎得啱啱好，柔软而容易切开，豚肉味浓而油脂分布平均，猪烟肉有肉味，好正！
衬托著烟肉既系新鲜嘅沙律同蕃茄。蔬菜非常新鲜，由几款唔同既鬼佬蔬菜组成，沙律配上佢地独特嘅沙律酱，清新可口，沙律酱食得出有柠檬汁橄榄油黑椒同香草等，我对鬼佬蔬菜名认识唔深，只认为其中一款系火箭菜。
跟住再食呢个脆皮嘅芝士鸡肉肠，脆脆皮煎香左之后会咬一啖都拍拍声，一切开个芝心已经急不及待咁流露出来，鸡肉味浓，唔怪得之前嘅食评都重点大赞呢个芝士鸡肉肠啦！一条真系唔够食！
原本系个行牛肉同火鸡扒之间作唔出决定。店员同我讲既火鸡好健康，系外面比较少有，而且所以就试下。
原本对火鸡嘅印象麻麻地，所以都冇乜期望。于是放喺最后先食。点知食咗第一啖即刻忍唔住望真啲，呢个火鸡既肉味好特别，肉汁丰富，肉质好滑好juice，肉边带有少少鸡皮令火鸡肉更香口。火鸡肉嘅纤维丰富，系四种容里面最健康，最低脂既。
一路食一路无法想像呢块佢系切割自火鸡既美食，真系食过翻寻味，依家写紧呢篇食评嘅时候睇返啲相，已经好想快啲返去再食多次。呢个奄烈真系冇叫错，一切开奄烈，蛋汁同芝士除除流出，鸡蛋非常香滑，里面嘅车打芝士用料非常大方，令人感动。
问店员想点解个奄列甘好食，佢哋话系选用左蛋味最香浓嘅荷兰鸡蛋，荷兰鸡蛋本身带有少少甜味，所以唔需要添加任何调味，已经可以做出一个美味嘅炒蛋或奄列。
系蛋度加 d北海道牛奶黎系增加奄列嘅柔滑度。omg...真系好好食。呢个 All Day Breakfast最得意就系呢一个窝芙。可能佢哋知道香港人钟意食甜品，所以用窝芙代替左传统既多士。 好开心
我暂时系香港未揾到一间质素高又令人念念不忘既餐厅，Zenon Cafe 系一间令我食完All Day Breakfast成日都谂起既 Cafe，Café 环境入型入格又舒适，无论一个人，一班人都可以轻松自在，坐耐左都完全唔记得自己身在何处。佢哋认真追求食材质素，一个咁丰富既 All Day Breakfast又包埋甜品同黑咖啡，HK 128，非常之满足抵食， 我甚至觉得系物超所值。
终于明白点解咁多人盛赞 Zenon Cafe嘅 All Day Breakfast，恳请呢个周末再落雨，俾我机会 (藉口) 再黎过！
题外话/补充资料：
几个月前黎既时候，佢地仲未有 All Day Breakfast，估唔到佢地将对咖啡既执著已延伸到食物上，食完之后几日，仲好挂住佢地既奄列，芝心鸡肠同火鸡扒，香港可以有甘高质素既，大家有口福了。
(以上食记乃用户个人意见 , 并不代表OpenRice之观点。)
张贴
