影片
更多
2013-08-09
107 浏览
有时候，心里隐藏咗啲秘密，好想跟人分享，但唔可以讲出口，实在喺件几痛苦嘅事。不过，今次要分享嘅「秘密」，就绝对唔使就住就住，早前，掹住食友车边，一同嚟到「Secrettaste」试菜 ，喺一间身处铜锣湾旧唐楼内嘅私房菜，主打唔同欧陆菜式，原来仲喺晌5月啱啱开业无耐。叫得「秘密」，佢个「窦」又真喺好秘密，首先，地下街号门牌只有507，再跳就511，咁509呢 ？好彩小弟都有朋友住紧唐楼，知道好多旧唐楼都喺一梯两伙，每边用一个街号，当然如果楼下加番个门牌509-511就更好啦；此外，上到3字楼（四楼），真喺唔话佢神神秘秘都唔得，完全无招牌、无标记，跟住宅无分别，幸好无嚟错！应门就喺店主阿Tak，其实侍应又喺佢，大厨亦都喺佢！入到店内简直两个世界 ，估不到嘅一室沉实嘅枣红，红墙木地板、红枱布、丝绒窗帘……等等，跟出面形成好大对比。仲有，内设一间贵宾房，玻璃间隔，私隐度更高，更适合搞吓小型饭局。最正就喺唔收切饼费，又唔收开瓶费 ，6道菜晚市套餐，都喺收$350 / 位，仲唔设加一添。温馨提示，由于好多材料都喺即日新鲜购买，正所谓唔靓唔要，故此有可能跟事前所收到嘅菜单有些少差别。店内播放
应门就喺店主阿Tak，其实侍应又喺佢，大厨亦都喺佢！入到店内简直两个世界 ，估不到嘅一室沉实嘅枣红，红墙木地板、红枱布、丝绒窗帘……等等，跟出面形成好大对比。仲有，内设一间贵宾房，玻璃间隔，私隐度更高，更适合搞吓小型饭局。最正就喺唔收切饼费，又唔收开瓶费 ，6道菜晚市套餐，都喺收$350 / 位，仲唔设加一添。温馨提示，由于好多材料都喺即日新鲜购买，正所谓唔靓唔要，故此有可能跟事前所收到嘅菜单有些少差别。店内播放著轻柔音乐，「神秘美味」随即启动。
香煎西瓜配海鲜慕丝春卷 原先个菜单嘅第一道前菜喺香煎西瓜配鱼子酱芥末蕃茄，虽然改咗配海胆慕丝春卷，小弟都同样啱食。最惊喜莫过于3粒香煎西瓜，入口暖粒粒，但又感觉到几香口，加埋啲葱花、洋葱粒、蒜粒吊吊味，颇有趣嘅口感，西瓜一样可以热食；而另一半嘅慕丝春卷，据知当中嘅海鲜慕丝有可能次次唔同，有时三文鱼，有时海胆，加入少许芝士，以「飞佬皮」（纸酥皮）做春卷皮，外层脆脆，内里软绵。好欣赏依道咁有创意同心思嘅前菜，几有种先声夺人嘅感觉 ！
巴马火腿黑松露沙律 第二道前菜嘅亮点就喺啲巴马火腿，24个月熟成嘅火腿，既软熟，又咸香，油润恰到好处，3大片已叫人食得好回味；至于个沙律，简简单单晌沙律菜添上黑松露酱及黑醋，「芳香、醇和」就喺我俾佢嘅评价 。
松露野菌奶油浓汤 第三道菜嚟个汤，等大家润一润。浓汤果然无改错名，果然浓郁，菌味十足，喺非常之香嘅野菌味，而且个汤身打得挺柔滑，但大厨又该意保留少少野菌粒。面面嘅泡沫及黑鱼子，个人感觉就装饰大于实际。
每晚主菜3拣1选择，是晚就分别有鸡肉、鱼类及牛肉作为主菜，幸好我哋胜在人齐，可以试齐3款。鹅肝酱香草露笋鸡卷
卖相算精致，以鸡胸肉卷住鹅肝酱及露笋煎烤，切件后再伴上油醋汁及茄子、蜜糖豆。鸡卷其实有啲嚡 ，不过，爽嫩嘅露笋同粉香嘅鹅肝酱晌口感上搭够 ，再加上重重露丝玛莉香，算喺唔错。
芝士鲜蕃茄烤鲑鱼 以芝士及鲜蕃茄铺晌三文鱼扒上烤炉，入口味道带少许辣，但芝士很浓香，蕃茄亦好鲜活，最紧要喺鱼扒依然嫩滑，油脂甘香 。如果晌配菜上能多点变化，唔好只喺茄子拼蜜糖豆，相信观感更好。
香煎美国安格斯肉眼小弟都喺喜欢大啖肉，所以主菜拣嚟香煎美国安格斯肉眼，依份肉眼扒绝对称得上够晒份量，大大件铺晌碟上，好有睇头。安格斯肉眼扒简单香煎，加上一撮香草牛油，小弟要咗5分熟，将肉眼扒一刀横切开，睇落色泽几对办，可惜食落有啲落差，够晒油香，但肉质有啲韧，而且有少少筋 。此外，卖相都明显比较单调，仲要块扒冚实啲烤新薯，改善空间很大嘅一道主菜！
胡麻帆立贝蛋奶意大利面 食完两道前菜，一份餐汤，以及主菜，其实都饱到7分（同行嘅姊妹可能上到9分），跟住再嚟一客意粉，心想应该会是「轻量级」，点知犹如一份主菜咁重手，难道想挑战小弟嘅食量，哈哈！但个意大利面真喺全晚至爱，首先面条做到应有嘅烟韧咬口，加上每条都沾满芝麻鸡蛋忌廉汁，既香滑，又渗出点点芝麻香 。面条中又加入烟肉，多份咸香之余，味道更有层次，唔少得要提就喺意粉面上嘅巨型鲜带子，又鲜，又大，如果依个喺散点菜式，就喺店中必食推介 。
完美嘅晚餐，甜品作结又点走得甩吖！今晚嘅甜品选择有两款（2拣1），分别喺法式焦糖炖蛋或香浓朱古力慕丝，当然，两款试匀喺我哋嘅必然选择。法式焦糖炖蛋配朱古力雪糕
个炖蛋做到蛋香、嫩滑、焦脆已经足够收货，加埋少少士多啤梨同蓝莓做装饰，要挑剔就梗喺个朱古力雪糕球整得「肉酸」咗啲啦，感觉有啲「求其」。
香浓朱古力慕丝配朱古力雪糕慕丝嘅朱古力味浓度不俗，但幼滑度就有点不足。侧旁嘅朱古力雪糕球溶得异常之快，一上枱已经溶紧，我哋都要赶快咁食，其实球雪糕都唔错，内里仲有啲朱古力粒添。
整体上，环境、菜式、份量都可算喺超值，尤其份量上，真喺超越所想，不过，小弟觉得卖相方面都仲要加把劲，下多啲功夫 ，始终色香味俱全，客人自不然食得更称心！再次多谢店家嘅款待，以及食友嘅引荐，让我跟大家享受咗一顿华丽私房宴！
张贴
