粵珍薈 (已結業)

今晚我们去咗天水围天一商城嘅「粤珍荟」食火锅放题！汤底我们选择咗瑶柱汤底，味道好鲜味清甜，唔会因为太过浓郁而掩盖咗肉类同其他所有材料嘅味道！牛肉嘅肉质好嫩滑，肉味好浓郁，色泽亦几红润，而且脂肪唔会好多！豚肉嘅肉质比较爽滑，但肉味唔系好香浓！蔬菜同其他火锅材料都清洗同处理得好干净卫生，而且相当新鲜！除咗呢啲之外仲有生炒糯米饭同豉油皇炒面！生炒糯米饭就咁睇个色泽卖相好似比较淡色，以为味道会比较淡，点知食落令到我们觉得好惊喜，因味道系非常惹味，而且唔会有好油腻嘅感觉！豉油皇炒面炒得都算干身，但味道就比较咸！