粵珍薈 (已結業)

星期日同媽媽去飲茶，雖然門口好多人排隊，不過兩人搭台就即時有位，lucky!假日點心價錢呢間又唔會同平日差好多,不過就少左特價孖寶點心，散叫我同媽媽叫了六籠。鳳爪雖然係必點，但呢間實在唔夠味，大家可以唔使試；粉果就普普通通啦；呢個香芋紫米卷其實就係紫米露的味道，好香芋頭味，煙煙um um ,好有口感，好食；呢個韮菜薄餅我好鐘意食，入面全部都係韮菜加少少蝦肉，外面好脆口，好食推薦；呢個薄餅我就麻麻，不過媽媽喜歡食呢種，我就另外再食了牛肉球，味道都係大眾既～

在附近看健康院，然後來飲茶。點了個午市套餐，有一個主食及小菜。主食是蛋白炒飯，味道不是十分突出，平平無奇，幸好不太油，炒飯最怕油膩。小菜是上湯莧菜，湯底太咸，一般。

呢間酒樓下午茶點心價錢比同區的貴dd,但質素就有翻咁上下，好似叫個咸菜豬肚，其他酒樓最多比五六舊你，其他用咸菜塞爆比你，但呢間就用煲仔飯煲煲比你，裡面起碼有十幾舊豬肚，豬肚夠入味。 佢下午菜有個迷你小籠湯包，一口既size，一籠四個，皮薄多汁，加小小醋，一啖放落口，嘩，個口爆曬汁，你唔怕熱可以趁個包一上枱就食，仲正。 嗱，藥膳鳳爪你食得多，藥膳豬手你食過未？第一次見幾有新意，佢個藥膳湯底依舊味濃帶甘唔苦，食得出係藥材味，豬手入曬味，可惜得四五舊，唔太夠喉。 佢仲有個魚肚雞柳，同樣藥材湯底，但因為有雞同細細隻鮑魚仔在內，所以令湯個味道變甜左，一樣好飲，魚肚夠淋夠多汁，但差在雞柳太老，唔嫩口，略為失敗。 至於蝦餃燒賣就冇叫，一來佢唔向下午茶特價入面，二來佢特點正價貴，不過佢下午茶有菠菜蝦餃頂替，都可以一試。 環境方面，因為佢向天水圍最入面，真係唔行過都唔知，所以比較靜，唔駛點排隊，又唔會話好多人嘈住曬，電視比較少，因為佢整左個大屏幕向台上，大家一齊睇，睇到眼累仲可以透過佢個接近落地既大玻璃望下出面，望下出面d人都唔錯。 價錢方面兩個人食八樣野，好似都係百七蚊左右，包曬加一茶

今次輪到daddy生日，去新開天一商場飲茶，不過有點失望啊！去飲茶選小菜食，其實好難吾好食的，雖然我不是叫什麼招牌菜，不過這間新開的酒樓真係要改善下。首先叫了椒鹽鮮魷，炸粉太厚了，不太吸引，叫了個小炒王，有啲配料比較硬，令到食落去不太爽快，有個枝竹火腩魚腩煲，這個真係好冇水準啊，啲肉太肥，而且又實，枝竹又少，冇冇水準，最後賽螃蟹同埋瑤柱扒豆苗，呢兩個中規中矩，還可以的，但總括而言，這個價錢不太便宜，完全吾抵食，真的不會再幫襯，而且服務生也沒什麼禮貌，也會大聲在走廊說粗口，影響食慾。

今日同屋企人黎飲茶，叫左個鳳爪排骨飯好耐都無黎，所有食物都上齊，其他枱都黎曬呢個飯，追佢單問佢有無落漏單，個女人check完機走左去，完全無交代係漏單定出緊，我地再問返佢，佢仲要好唔耐煩話：「追左厨房啦！」我爸話：「你落漏我地就唔要個飯啦！」佢扮聽唔到走左去；第二單，兩個職員追住大大架鐵籠車，裝滿膠層架，一野沖過條路，我成張櫈比佢撞開左，我個人係坐左係到，我BB就坐左係我隔離張BB櫈到，好彩係我姐，如果我BB張櫈，仲唔成個人飛落地？！同佢地投訴，個個當沒事發生，呢間野唔會再黎，不斷搬住d垃圾車、貨車係到沖來沖去，安全同衛生意識極差，食物又唔係特別好食！

嚟到天水圍探親戚，佢哋帶咗我去附近嘅酒樓飲茶，等位嗰陣我上open rice𥄫𥄫，發現哩間嘢負評比正評多，真係滴晒汗⋯⋯佢哋話附近都冇咩好食，就是旦一間喇。點知坐低食落，又幾好味喎😋同埋好多特別點心，真心要幫佢平反一吓👍🏻👍🏻👍🏻👍🏻👍🏻哩個鮑魚菇包大家都好欣賞做得好飲冬菇，但點解唔叫冬菇包呢？原來佢入面真係有鮑魚仔㗎👏🏻👏🏻👏🏻而且哩個包真係好軟熟同好好味，唔係得個樣嘅。哩碟腸粉長到呢⋯⋯平時哩啲脆皮米網腸中間脆脆嘅位置都幾油吓同會淋咗，但哩間完全冇哩個問題，同埋佢脆得同平時嗰啲唔同，有啲酥脆嘅感覺，讚。哩碟炸茄子我個人好喜歡，茄子大大舊，上面釀嘅唔係一般嘅魚肉或者豬肉，真真正正大大舊蝦係到，配埋上面嘅炸蒜簡直冇得彈。仲有懷舊嘅鵪春蛋燒賣😍講真我嘅年代係好難食到鵪春蛋燒賣，所以俾我喺到遇到佢真係好幸運！！！哩個黑芝麻糕係煎嘅，幾特別！其實仲有好多唔錯嘅點心，不過真係寫唔晒😂😂😂今餐真係食得我好滿足！

上星期打風第一次去，打風個日都唔洗等位，屋企人已經去過幾次~一直去開兩間，敍xx,海x，因為天水圍市中心真係唔太多酒樓~10點去到不用等已有位，有張點心紙係優惠時段，11點前落單$8.8，所以點左好多鳳瓜排骨飯不錯，比敍xx大碗，燒賣幾大粒~牛肉球也不錯~腸粉好滑，牛仔骨都好淋~整體上食物味道不錯，不會太濃味，之前都試過飲完茶之後好口喝不停飲水，但今次唔會，點完亦好快到~我地4大人3小朋友食左300多，價錢合理~

2點15分到達，發現門口廣告牌寫2點30才開始下午茶優惠，等了15分鐘入座。下午茶時間有很多空枱，但不知為什麼很多食客也被要求搭枱坐下來，就看看下午茶優惠點心紙，正想點醬汁蒸鳳爪是發現，下午茶是$19.8，午茶是$17.8，即時向樓面侍應生確認一下，下午茶是貴些?她說是一定平些的。我再看多次，真的是貴了，就問她，我下午茶點的鳳爪是跟午餐分量是一樣?為什麼優惠價下午茶比午茶還貴了?她發現問題了，再問經理，得回來的答覆是，下午茶價錢正確，會收下午茶價錢的!再看看下午茶點心紙，發現很多點心也有同樣情況，下午茶價錢是貴了的，有些是同價，有優惠選擇很少!如果一心想優惠點，而等喝下午茶，你會失望的。食物質素整體也算ok，侍應生態度一般。

今日放假當然同亞媽去飲茶，就近近地來到呢間食。對上一次來已經一段日子，兩個人唔食得多，就叫了少少野食，共4款點心。因為雨天關係，不算太多人，下單5分鐘左右，就有野食啦！先上枱是魚仔肉餅飯(忘記影相) ，魚仔不是我想像的那一款魚仔，呢個魚仔是中間有點苦味，一般，魚餅是唔錯的。另外牛柏葉，份量約5件，芫荽味香，薑味剛好蓋了牛柏葉騷味，味道唔錯。略微份量少，一人兩件都唔夠食。雞紮兩大件，味道略微有點咸。蟹子燒賣就覺得縮了水，味道一般，不值得再食。

今晚番到天水圍就試依間 7點去到$148加一喲食物普通 選擇少 但叫加牛肉上得好快員工服務態度好 見個鍋冇湯會自動幫我地加有火鍋放題同小菜 我地選擇火鍋 湯底有二款 蕃茄同瑤柱我地選擇左蕃茄 老實說全晚唯一覺得可以既係湯底年糕 裂開曬既，其他真係唔識形容，食物選擇少！仲有甜品桂花糕 椰汁糕？都有雪櫃果種味，椰汁糕都好喲 個桂花糕真係好差。有送幾塊魚片（唔記得咩魚 但唔錯既）火鍋 我吾會再係依間食。。。。小菜會搵機會試，因為都幾多人食，可能唔差掛？（以上係個人意見）

今晚我們去咗天水圍天一商城嘅「粤珍薈」食火鍋放題！湯底我們選擇咗瑤柱湯底，味道好鮮味清甜，唔會因為太過濃郁而掩蓋咗肉類同其他所有材料嘅味道！牛肉嘅肉質好嫩滑，肉味好濃郁，色澤亦幾紅潤，而且脂肪唔會好多！豚肉嘅肉質比較爽滑，但肉味唔係好香濃！蔬菜同其他火鍋材料都清洗同處理得好乾淨衛生，而且相當新鮮！除咗呢啲之外仲有生炒糯米飯同豉油皇炒麵！生炒糯米飯就咁睇個色澤賣相好似比較淡色，以為味道會比較淡，點知食落令到我們覺得好驚喜，因味道係非常惹味，而且唔會有好油膩嘅感覺！豉油皇炒麵炒得都算乾身，但味道就比較鹹！

昨夜去食團年飯，以為新開的酒樓好，點知...........所有嘢都是用二手，就連個廁所馬桶都是二手，究竟是甚麼地方？第一碟菜上嚟，個碟崩左三個角！跟隨上來的碟都是個個崩！燒鵝凍的！龍蝦伊麵生粉多過麵！還有好多負評無法盡錄，花左我千八大元，簡直謀人寺一間！！！

天晴邨附近開了一間新商場，叫天一商城。由於剛開關係，所以商場內沒有太多商舖。偶而聽到街坊說起那裡有一間新酒樓，於是我們一家便去新酒樓飲茶。酒樓裝潢漂亮，環境寬闊，座位很多。而枱櫈之間有足夠空隙，不會感覺狹窄。我們要了2款點心，2款小食，1款飯類及1款甜品。落單後，不消5分鐘，侍應便送上點心，效率真高。先上枱的是胡椒鹹菜豬肚，胡椒味濃郁，豬肚軟熟，鹹菜微酸，挺開胃的，只是份量略少。其後有生炒糯米飯，由雞蛋絲，臘腸，蝦米，蔥花及糯米製作而成。糯米煙韌有嚼口，味道香濃不油膩，蝦米味道尤其突出，值得一試。每粒燒賣上都有一隻粉嫩的蝦。蝦上有蝦子作點綴，賣相吸引。蝦肉彈牙，燒賣內有豬肉和冬菇，調味恰當，不會太鹹。一籠3大粒牛肉球。牛肉與馬蹄粒混合，是軟腍和爽口配合。牛肉鲜甜，再沾上喼汁，酸酸甜甜的，很開胃。 最底的腐竹入味，帶有肉香。奇脆金磚豆腐有15塊，份量很多。    表面炸至金黃色，表面灑上七味粉。豆腐外表薄而脆，內裡香滑。七味粉令到豆腐很惹味，真想伴著白飯同吃。甜品方面揀選了宮廷桂花糕。            宮廷桂花糕大小如拳頭，晶瑩剔透。入口充滿清新桂花香，甜度適中，質感有彈性。總括來

今日早起床, 突然好想飲下早茶. 屋企附近最近開了間中式酒樓, 就同老公走過去試下啦.  因為怕等位, 己經好耐無去飲茶囉. 可能今日起早咗, 去到酒樓又唔使等好耐wo. 叫咗幾樣點心. 試落又唔錯喔. 啲侍應服都幾好.

屋企附近開咗呢間新茶樓，放假諗住試吓。食物種類少,又貴又唔好食。部長態度OK, 但----伙計個態度超差, 伙計個態度超差, 伙計個態度超差----重要嘰嘢要講三次!!!試過一次，唔洗再黎。奉勸大家一次都唔好試!!!