蠔得喜 (已結業)

荃湾路德围有唔少小食同台式野饮，但系我要讲既依间铺系近期好hit既小食店，开系路德围附近一个好暗既转角位到。-戏棚蚝饼（细）$30虽然话系细size，但如果一个人食既话都够晒饱👍🏻，蚝饼既炸粉唔会落得太多，唔会怕食落成啖都系粉咁。除此之外，蚝粒亦都落得唔算姑寒，每一啖都可以食到一两粒蚝仔😈。加埋辣酱同埋甜酱真系超级正！-香爆虾米炒肠粉 $25肠粉可以拣辣度同埋落唔落芝麻，今次试左小辣都好够辣味🤩。成盒炒肠粉好够镬气，加埋xo酱非常之惹味。肠粉炒完之后唔会好干争争咁，仲系好滑。-炸烧卖（六粒）$10事关食完上面果两样野我都已经好饱，所以都系叫左六粒黎试。食完之后好后悔食咁饱食唔到多啲炸烧卖，因为真系好好味呀！！！啲炸蒜炸到有少少脆又唔会太干吸收晒啲豉油超级超级正，钟意食蒜既一定会好钟意食。炸烧卖炸得亦都唔会好干身，感觉上比较似系煎，但都好香口。