雄興美食

营业中

休息中

今晚得一条友食饭, 想起早排有朋友同我讲某潮州食店俾人响网上作出一d无理指控, 钟意食又钟意搞搞震既我就粒声唔出走左去试...........就系呢间雄兴美食!...........而果位朋友, 咁岩就系呢间食店既太子女, 不过我同佢既家人素未谋面...........我觉得自己有d似间谍!我食过既打冷舖唔多, 不过呢间既出品系我食过咁多间入面最好食既, 如果你问我佢有咩缺点, 我最多只能够话味精落得重手左d...........不过根据美食定律, 好食既野通常都无益, 决定系自己做既, 后果都系自己承担既!入正题, 先由环境同卫生讲起, 间舖岩岩开张无几耐, 同五星级酒店比系肯定无得比, 但系佢仲系新装修, 环境好企理好干净, 同类食店黎讲真系好好, 最重要系冷气够! 岩哂我呢d肥仔! 唯独是佢d坐位都系圆凳, 拎住一袋二袋野去食饭, 可能要有心理准备d野要摆响地下.服务方面, 老细好好招呼, 仲特登提醒我蚝仔粥要趁热食, 冻左就会腥...........讲到味道, 呢碗系我咁大个人食过最好味果碗蚝仔粥, 以前我去第二度食, 几好味都好, 多多少少都会有d腥, 但系呢碗真系一d都唔腥