忠記咖啡屋‧私房菜 (已結業)

约左小学同学聚会，咁岩大家都系港岛区返工，就拣左呢间系铜锣湾既忠记咖啡室。私房菜！首先系私房靓汤，放左工饮到家既味道真系好幸福！之后我地点左几样前菜，包括稻庭乌东北海道带子配和风芥末汁,陈年花雕鸭舌同三文鱼籽糖芯皮蛋！稻庭乌东唔洗讲都知弹牙爽口，大大粒既香煎北海道带子配埋青瓜丝蟹柳丝真系好好食！而最重点系个和风芥末汁，酸酸地带少辣，好开胃，忍唔住追加多一份！陈年花雕鸭舌大大份酒味好浓，食得我地停唔到三文鱼籽糖芯皮蛋三文鱼籽令口感丰富左，唔错！滋味口水鸡呢个口水鸡系我至爱啊！鸡肉嫩滑加埋秘制酱汁，辣度适中，最重要仲要系无骨嫁！岩哂我呢d嫌麻烦既人。家乡私房肉碎炒椰菜有获气，炒得好香！再黎就系马来沙嗲粉丝肥牛煲呢个岩哂重口味既朋友，沙嗲味好重，肥牛配埋粉丝永远系最佳配搭，我自己觉得略微咸左少少，但朋友话ok😂椒盐黄金豆腐炸到外层金黄色脆卜卜，里面就好滑，一咬落去果下食到两个层次，外脆肉软，正！最后我地仲点左豉汁蒸仓鱼，蒸既时间岩岩好，即刻叫多两碗白饭捞鱼汁一齐食，好满足！总括黎讲食物质数好高，值得推荐！