忠記咖啡屋‧私房菜 (已結業)

銅鑼灣嘅抵食中菜選擇唔多，所以呢間忠記我都encore咗好多次😆 上到去八點鐘，餐廳都有8成滿, 因為無book嘅關係，佢啲蒸魚已經賣哂🙁 咁我哋唯有叫啲普通家常小菜啦~ 1. 欖菜四季豆炒豬頸肉 👍🏻相比起其他小菜，呢碟個份量我略嫌少咗啲😕 2. 芝士咖喱牛腩煲👍🏻👍🏻👍🏻雖然唔係好食到佢啲芝士 (可能溶哂喺個汁入面), 但佢啲咖喱煮得好香，入面仲有勁多舊牛腩薯仔食極都食唔完，送飯一流😆3. 口水雞👍🏻👍🏻老闆推介我哋食口水雞，都無令我哋失望☺️ 雞好嫩滑，亦好入味，又係拎黎送飯最啱~ 不過如果可以再辣少少就會再惹味啲4. 咕嚕肉👍🏻👍🏻👍🏻咕嚕肉係我至愛，梗係要試一試😳 肥瘦比例啱啱好，酸酸甜甜, 不過如果再炸得脆啲就會更加好最後埋單每人一百蚊左右，仲送埋湯同湯丸，銅鑼灣黎講性價比高👏🏻

忠記私房菜，聽這個名已經經營左几十年啦！好多客人上來食完野都話好好！可以再來！久而久至員工跟全部客人的關係都好似家人一樣！食物的出品都OK！夜晚6:00後轉做晚飯小菜/私房菜！不得不提，他們的私房菜式超有水準！個個食完都點贊！

这家店无意间看到，本來以為私房菜，會有很特別的感覺，不過菜品只是一般粵菜，xo醬豆卜豬頸肉，豆卜有的竟然都沒濕潤入味，小炒皇很特別用了翠玉瓜，整體菜份量好小！味道無功無過

本身耐無食小菜，疫情關係諗住叫個foodpanda 外賣，見到呢間野下晝開始提供小菜，就抱住好奇心試下。點知中大伏。叫左三樣野，椒鹽鮮魷，薑蔥霸王雞，金銀蛋浸時蔬。先講椒鹽鮮魷。咬落好似食鞋底咁，根本咬唔開，魷魚本身唔新鮮，調味偏淡反而暴露左缺點。炸得唔脆都算，重好重油味，食到反胃。唯一優點係份量夠多。第一次食到咁難食嘅椒鹽鮮魷，都叫大開眼界，比一星都嫌多。薑蔥霸王雞。食落唔知關薑蔥乜事。雞身上面舖左大量蔥，但食落就係硬身白切雞。唔叫難食，不過都唔係好食。金銀蛋時蔬。好難可以難食，佢都的確整得好好睇睇，料足，味道正常。不過白菜中間夾左兩條頭髮，少少想嘔。影左相，但已經食到無心機整得好好睇睇。呢個價求其食間茶記都贏佢幾條街，重唔洗比呢個價。無乜野都唔洗試，有人約都唔好試。真係好耐無食野失望到打差評，你係第一間。

听说白天是茶餐厅，晚上才做中餐。由于是楼上铺，主要是做熟客生意。没有华丽的装修，主要是靠口碑吸引客源。他们餐牌上的东西不多，大部分菜都是几十元，个别贵价食材的一百多。比起很多酒楼和茶餐厅都便宜。小菜都是水准之作，鱼饼是即叫即做的，鱼肉内也掺了猪肉，把鱼饼做到厚厚的，咀嚼时更具口感，同时也感受到猪肉和鱼肉的香味。生蠔是提早预订的，六隻比BB手掌大的蠔用铁板煎熟，再配上薑葱，上菜时已闻到阵阵香味，一点腥味都没有。蠔不会煮得太老，入口还可感受到牠的质感。鱼也是预留的，看上次应该不止一斤。不用多说，新鲜鱼肉质鲜嫩，肯定不会差到那里去，单用碟内的蒸鱼豉油已吃了一碗白饭。整体评价是一流的，值得再去。

水準保持，又唔貴，2人埋單$220。有靚湯及糖水送。最愛佢哋嘅芥末蒜泥牛脷~（順便殺殺菌）大澳蝦乾辣椒炒生菜很惹味，正！同行朋友想多吃菜助腸蠕動，所以還是綠葉菜為主的什菜粉絲煲。給另外2道惹味菜中和1下，把惹味的大澳蝦乾及麵豉拌清淡的什菜粉絲1起吃，也很過癮。忠記咖啡屋‧私房菜該是銅鑼灣老街坊的好選擇，此店超過30年歷史，以前是後街小茶室，奶茶出名好喝（我爸爸以前去上班前都去喝杯及吃早餐）。店輾轉搬到樓上，再搬來這新的小商廈繼續以美味招呼銅鑼灣街坊。p.s. 多種付款選擇（包括支付寶及微信支付），方便儲分。

之前食過一次忠記私房菜，一直念念不忘好想再食多次，終於今日可以約到一大班朋友去食，好開心啲<忠記小炒雞$80>食小炒最緊要係要夠鑊氣，小炒雞好重鑊氣，雞粒葉得夠入味，加咗少少青椒紅椒落去炒，正<蝦乾面醬炒唐生菜$72>下個麵醬炒唐生菜，蝦乾醬好香、好送飯，食咗咁多肉食少少菜中和下都幾好<粟米黃金斑塊$72>黃金斑塊普普通通啦，新鮮熱辣炸出嚟咩都好食啲<菠蘿咕嚕肉$78>咕嚕肉好脆口，酸酸甜甜好開胃叫咗咁多餸菜埋單都係百零蚊一個抵食嘅

今日去果區出差，2時前上到去，人山人海，好艱難至搵到個位，看看餐牌，很多款式，有選擇困難，最吸睛係咖喱...結果，點選了咖喱牛肉飯，凍〇茶！上枱時，嘩，成個瓦煲上，好大份，好豐盛，咖喱汁味道很有層次，既香，又甜，微微辣，質地幼滑，洋蔥炒得透，紅蘿蔔，青椒及薯仔很入味，很林，主角： 牛肉，不錯，肉質可以接受，不過，很多份量，努力也吃不完...感覺係用心去做的！侍應招呼好，雖然，個個都忙到一頭煙！見我吃不完，offer 膠盒裝走，以免浪費食物喎！份餐＄63 ，好味又抵食，必會再去！

幾個朋友一齊食飯，最啱就係叫小菜，人頭咁叫，自己揀返自己鍾意個未味，包有幾個實岩你口味<菠蘿沙拉小排骨$72>大食妹揀咗沙拉燒排骨，呢啲咁唔健康嘅嘢一定係我嗌㗎啦小排骨蘇炸過好香口，食到層炸粉脆卜卜，沙律醬加埋酸甜醬，邪惡得來又開胃，送飯一流<砂鍋雲吞雞$148>雲吞雞好抵食，超級大煲成隻雞咁樣落，大食妹都食左五六件雞件個湯雞味濃，飲完唔會口渴<稻庭烏冬北海道帶子$40>本身以前菜份量應該好細，點知原來都好夠食一人叫左一個，食完都半飽，烏冬好彈牙，凍冰冰加麻醬perfect 呀<冬菇時蔬扒紅燒豆腐$60>呢碟燒豆腐份量就比較細，豆腐人頭一人一粒，好食ge 冬菇炆得入味又夠淋，水準之上喇

如果lunchtime想食平平地又唔想等位，忠記係一個好選擇。同事介紹呢到有好多選擇，總有一款係啱食。 我同同事叫左瑤柱金華火腿蛋白菜粒炒飯同XO醬海鮮烏冬。個炒飯味道唔錯，用金華火腿調味，唔會太咸啱啱好。至於個烏冬都幾足料，有蝦，尤魚。食烏冬最怕有酸味，好彩呢到無！兩個人食連埋飲品都只係平均60蚊到，銅鑼灣黎講算幾抵食。忠記的確有好多選擇，有三餸飯，又有每日精選，再唔係散叫都可以。睇過menu發現晚市啲小菜都幾吸引，下次夜晚去試下先。

上網d review 話呢間中菜好正又抵食，決心要試下，我地差唔多7點到，都唔駛等位。環境呢，係一般酒樓格局。但係佢個menu 好抵食，見到個四人餐都係4/5百蚊，好抵！前菜 - 花雕醉雞識小妹嘅人都知醉雞係小妹最愛之一，呢個酒味好香，又唔係太鹹，但有少少肥，但整體唔錯！菜呢，佢好特別，用砵仔，保温好好，而且有好多肉碎，所以味道好好！小妹同男友人都認為呢個帶子伴稻庭烏冬好正，你都見到粒帶子有幾重手，個sauce 係芝麻sauce, 好夾！呢個雞煲不過不失，唔係太鹹。最後送糖水，係喳咋，幾好味！總括而言，埋單二百幾蚊，好抵，係水準中菜！

屋企人慶祝，所以叫左個套餐。當日嗰套餐有日式料理。頭盤係蟹子蟹柳粟米沙律，味道唔錯。不過沙律醬好肥呢🤭海膽帶子烏冬 加wasabi 麻醬好好味。我最喜歡嘅原個新鮮菠蘿🍍咕嚕肉，d肉外脆內軟，正呀！碗仔翅，我覺得偏咸左少少。個大蝦好新鮮，肉質好彈牙鮮甜。太極炒飯，其實都好食嘅，不過我鐘意食乾身嘅炒飯。 條魚2食，又可以食到原汁原味嘅蒸魚，又可以食到方便又野味嘅班球。最後嗰水果盆好有心思好靚，但忘記影相☹️

星期日係Family Day, 同埋屋企人去食小菜之前聽朋友介紹呢間位於銅鑼灣既小菜唔錯, 所以專程BOOK左位黎試下我地7點左右上到去已經好多人, 空既枱都已經係留座好彩我地有BOOK到咋點完菜之後每位有一個例湯, 青紅蘿蔔湯無添加味精, 抵讚!由於好肚餓既關係, 緊係要點返D餐前小食我地叫左個拍青瓜, 青瓜新鮮整出黎, 加埋上面既蒜泥味道濃郁又帶點清新既感覺另一個就係無骨花雕雞個人覺得呢個花雕雞必點, 第一係因為佢份量足, 第二醃得好味, 最重要係無骨食落去啖啖肉, 肉質又嫩又滑菠蘿沙拉小排骨, 排骨炸得好鬆脆, 酸酸甜甜既醬汁好開胃即叫即整真係好重要豉油皇煎虎蝦, $150/4隻,  一人一隻岩岩好好大隻, 煎得好香, 蝦肉新鮮彈牙蝦乾炒唐生菜, 大大隻既蝦乾, 而唔係普通蝦米仔加左少少辣椒炒好惹味餐廳仲會送埋甜品, 甜品係南瓜露好得意用個杯仔裝出黎, 好香濃既奶味用黎整布丁都唔錯出去酒樓食飯叫個普通餸都可能要70-80蚊而家4個人食每人都係$100左右, 有機會要試下佢地既私房菜

1家人食飯最好就緊係食小菜, 可以叫多幾款唔同既餸今次就揀左忠記, 記得要BOOK位, 唔係分分鐘冇位架每一位都會有一碗例湯, 餐廳仲有其他湯供應, 但係就需要2日前預訂今日既例湯係青紅蘿蔔, 清清地唔會重味精, 幾好!我地叫左2個小食, 第一個係花雕鴨舌$46鴨舌好入味, 好爽, 份量都好多第二個就係脆炸雞軟骨 $48即叫即炸, 粒粒金黃色, 加埋炸蒜十分惹味我地叫左3個餸, 第一個就係鐵板薑蔥蠔 $168蠔肉大大粒, 有7-8粒, 薑蔥炒超香好好味瑤柱肉鬆蒸水蛋 $68水同蛋既比例控制得岩岩好, 蒸蛋好滑, 加沙沙豉油餸飯一流豉汁蒸倉魚 $138蒸魚係限量供應, 賣完就冇, 全部都係新鮮魚好鮮味, 味道比得上酒樓架甜品都係每人一份, 今日係南瓜露飲落去奶味好香, 暖笠笠, 甜入心4個人食埋單每人都係$120左右, 餸菜全部即煮, 份量足，仲唔使加一媽咪食完都話下次要帶朋友黎呀

放假又出省做運動去XD 做運動前都要食野架，有新野想試但亦有舊野想食，最後叫左男人幫我決定.食呢個“避風塘炒米粉”好講緣份,因為佢已經off menus左好耐，但又唔係你話去食，識叫就有，有都唔一定係個個廚整... 由搬舖前有午餐到無午餐到off menu,仲唔係睇彩數?話說n年前食過之後就深深愛上左，個時係銅鑼灣返工黎呢到食就會叫午餐或呢個，有一次老細話今日無，個廚去左西灣河(個時都未搬去東區，但我從未係西灣河個間成功叫過)，好啦... 之後有一次叫到但唔太ok,炒到既，但唔夠好食，老細話呢個唔係平時個個... 所以食到個好既其實好講緣XD今朝我男人幫我打左黎問，make sure有我先上黎，但今日都唔係好食個廚，不過都唔算好差，仲好似平左... 我落左單再睇又唔見係menu,但張單就係寫海鮮炒米. 今日呢個個味都香(咁多乾蒜都好難唔香XD), 料無以前咁多，米粉都唔夠乾身，但已經夠止癮啦...