Neway Karaoke Box (已結業)

寻晚同几个同学去呢度唱K，五个人俾左间二十个人坐既大房。我都唔知点解，不过间房太大啦。我地就包K buffet。寿司我无食到，不过同学话味道都可以既。热盘真系无乜特别，我觉得最好食既系炒饭同蒜香排骨。炒饭几好食，整得几爽口。而蒜香排骨就好多炸蒜蓉伴碟，好正呀。冷盘又系街食到既平野。甜品都系普普通通，唔算太难食既。冻奶茶饮左两杯，茶味都几够，唔会好似饮奶水就得。野食就普通啦，当然咁既价钱就唔好太大期望。无期望就无失望啦。而职员既服务态度都几好，收碟既速度都几快。本来唱到十点，但十点九都未cut。今次一定俾个笑，因为环境太好啦。