大吉居酒屋 (已結業)

黎过呢到食夜晚放题, 食lunch 都系第1次。好彩我地一早订左位, lunch 时间劲多人。lunch 唔多野拣, $50-$65一个set。另外门口有写住日替$60, 有鱼生饭拼牛肉汤乌冬拼蟹肉沙律拚饮品一杯, 仲要唔洗加一, 好抵呀!我地7个人,一早订左台, 可以有放坐, 静静地, 无咁嘈, 坐既系塌塌米, 比较辛苦。不过d 野上得比较慢, 等左起码二十分钟先有野食! 得一个钟食饭时间, 所以食得好赶。3样野先$60, 以为样样都好mini, 原来又唔系哦, 鱼生饭都几大碗, 有三文鱼同唔知咩鱼既刺身切粒, 另有蛋同有蟹子同捞, 好好味啊~~~而牛肉乌冬, 个碗系比面豉汤碗大少少, 乌冬同牛肉都好滑, 正!蟹肉沙律, 系将d 蟹肉拆碎捞沙律酱配生菜同食, 呢个只系普通。饮品, 柠茶好啖。面豉汤, 因为太饱, 无饮, 但同事话好咸。食咁多野先系$60, 真系好抵。