越Home 越式料理

营业中

休息中

自从系深水埗一间出名既越式餐厅食过越式法包之后，就深深爱上左呢款包，但由于友人唔太中意越式野，所以隔左几个月无食。最近睇番d食物相，勾起左我既食欲，所以决定去附近一间越式小店解瘾。餐厅既价格好平民，平均价格都比市区平$5-$10，难怪lunch时间出现人龙。午市套餐最平$39仲要包热饮，如果唔想食汤粉、饭，仲可以食沙律、法包，唔够既话仲有小食添。香茅猪扒法包 $38法包香脆、猪扒大块，不过略嫌佢唔够香茅味；包内有蕃茄片同一d腌萝卜丝，增加左法包既湿润味，食落唔会好干，整体唔差，但我都系中意食最普通果款越式法包。咖哩吉列猪扒饭 $42友人表示咖哩汁好正宗，食得出好多香料系入面，但汁比得好少，最后要斋食白饭；猪扒好干好鞋，而且唔系用面包糠上粉既吉列猪扒，唔系几够脆。我见隔离枱食客既汤粉几大碗，追加小食个卖相又唔错，下次再黎既话会试其他野。