稻香超級漁港 (南豐廣場) (已結業)

朋友又发现到有抵自助火锅，原来系稻香。稻香比我感觉系服务一般，因为职员真系少，但系个平字真系好吸引。星期日到四20：30后，任食火锅每位只需$150左右，有少量海鲜，饮品选择多，甜品仲有冷热拣添，质素亦可以嘅，真系好抵呀，另外可以每位加$38任食升级安格斯肥牛，不过我哋觉得本身都几多嘢食，钟意食牛嘅朋友可以试吓。除咗火锅仲有少量餐前小食可以拣。外面自助区有调味料，爆谷，饮品，甜品。除咗基本汽水外仲有乐天饮品，细支装嘅清热嘅竹蔗茅根，咸柑桔，豆浆等，另外啤酒都系任饮嘅。甜品冷热都有，雪糕，芝麻糊，杏仁茶，红豆沙。海鲜类有广岛蚝，沙白蚬，虾同我最爱嘅白鳝片。广岛蚝都缩得几细，虾无咩鲜味，蚬同鳝片都几新鲜，鳝片较薄。肉类切得好薄，左边𠮶碟半透明，肉质唔唔算韧，都可以嘅。鸡子出过一次就无喇。火锅我好钟意点滑鸡片，腌过唔会有雪味，又滑又啖啖肉。丸类，饺类，鹅肠仲有火胶仔。鱼皮好脆，鱼面就唧唔到出嚟，个袋爆咗。