稻香超級漁港 (南豐廣場) (已結業)

政府的限聚令之下，我哋今日又去行山，連續幾日喺屋企食午餐，今日想出去食午飯， 行經稻香見裏面唔係咁多人就入去，少啲人食，應該安全啲。 原來稻香係用QR code點嘢嘅，我入到去用QR code點咗時菜鯪魚球，豉味脆鱔煲仔飯，太古早味甜薄餐。時菜鯪魚球同出面都冇乜分別，太古早味甜薄餐就太甜又無花生，海港酒樓好食好多。豉椒味脆鱔煲仔飯，豉椒味好香濃、有煲仔飯應有嘅飯焦、飯焦脆口、鱔球比較細舊同埋啲肉比較淋，並不是脆口嗰隻，味道一般。原來稻香有迎新禮品可以扣五蚊。間舖環境比較大坐得都舒服嘅。

今日下午去邊度食飯好呢，我地想左一陣，就決定到南豐廣場的漁港飲茶，好彩有位，我地叫左臘味排骨煲仔飯、時菜鯪魚球、南乳炆豬手、兔仔蓮蓉包。我地等左一陣，開始有點心到，算是快。臘味排骨煲仔飯只屬一般，不夠香，飯沒有一般煲仔飯的飯焦香。鲮魚球沒有特別，唔是好好食。南乳炆豬手好油膩，有南乳味，豬手好肥，唔是好健康。兔仔蓮蓉包外型得意，味道唔錯，好食，有好多蓮蓉，ok。座位比較近，有D危險，如果分開遠D會更好。

一元羊腩煲的吸引力果然犀利 在南豐廣場的稻香 雖然晚上8.30 才開始 在07.30已經有人在排隊 到可以入座時 差不多有60人在等候呢這間稻香 枱的距離很寬濶 面積又大和明亮 坐得舒服 全部採用自助式 包括沖茶和下單 十分方便一元羊腩煲沒有將貨就價 味道ok 如果再炆稔D就更好 真超值另點了4個超值菜 最滿意的是砂鍋海班魚頭煲 份量足 半個大大的魚頭 配上火腩 支竹 豆腐 白木耳 好味大澳蝦醬骨 新鮮熱辣 蝦醬香而不鹹 肉軟滑 正酥炸廣島蠔 個頭雖稍細 但很肥美 脆炸粉不算厚茄子花膠煲 略為油膩 花膠很細片 4個人共吃了5個菜 加兩份蔬菜 埋單才564元 性價比超高我覺得稻香所有分店 水準不一 有些很差 暫時來説這間是我最滿意的😍

今次試下稻香超級漁港， 位於將軍澳坑口培成路8號南豐廣場1樓R3號舖。 兩點鐘下午茶時段， 店員準時安排客人入座。 酒樓環境光猛， 每一張枱都有自動水機， 本身是幾方便的， 但可惜我部自動水機好似壞壞地😅， 一時有水一時冇水。 QR code落單📲，臘腸蒸蘿蔔糕$23、 陳皮牛肉腸$23、 臘味糯米飯$13.8、 香麻叉燒酥$20、 稻香蝦餃皇$29、 養顏芝麻糊$17。 📌臘腸蒸蘿蔔糕 ～ 蘿蔔味道甜美， 都幾好食。 📌陳皮牛肉腸 ～ 沒有陳皮味， 牛肉好散。 📌臘味糯米飯 ～ 溫度凍冰冰， 糯米飯的口感太硬。 📌香麻叉燒酥 ～ 一碟有三件，酥香美味。 📌稻香蝦餃皇 ～ 皮偏厚， 蝦肉爽彈。 📌養顏芝麻糊 ～ 芝麻糊太稀了， 是不是溝了水？ 整體食物質素普通， 下午茶兩個人六碟點心大約$98，價錢貼地☺️。    

今晚去咗稻香食一蚊羊腩煲宵夜， 7點 45分到了，已經超多人排長龍。 到了8點15分開始派飛，8點30分等入座，等了一陣，順利入座， 職員已經幫我們點了一蚊羊腩煲， 羊腩煲非常有水準， 都好有份量， 超超抵食。 不會將價就貨， 非常值得去食。 我們仲叫了28蚊海中寶燉湯， 燉湯非常鮮甜好好飲，超值。 我們叫了一條蒸海斑 138蚊， 這條魚十分好味， 仲叫了48蚊乳鴿， 但乳鴿超细隻， 味道麻麻地， 唔抵食，中伏。 現在稻香可以用 QR code自動叫餐，非常方便，而且有熱水機， 自動煲水和加水，非常超方便。

🌀🌀兩大颱風過後，天氣開始涼🍃又到咗食羊腩煲嘅季節啦😋見到稻香推出宵夜時段一炆羊腩煲，立即心心眼😍💲1❗💲1❗💲1❗羊腩煲上枱😍見到湯底十分濃郁👍🏻 羊腩份量亦都好多👍🏻件件都大大舊好多肉! 仲有枝竹、馬蹄，最驚喜仲有埋魚肉豆腐! 仲有好多冬菇! 份量十足❗❗宵夜時段其他火鍋配料一律半價❗半價❗ 雖然價錢平咗一半，但質量不變，新鮮👍🏻仲有啤酒半價! 醬料自由混自由加! 🕗宵夜時段: 8:30pm後! 快啲去試下啦🏃🏻🏃🏼‍♀

今日星期日, 度度都排長龍...終於俾我搵到間唔駛排隊...所以即刻同肥妹仔衝左入去!!我地好耐無試過兩口子飲茶喇!!不過原來稻香真係高科技左好多!!我同肥妹仔都嚇左一跳...而家叫點心原來要用APPS!!唔係寫紙架喇, 我地寫完紙仲俾姐姐話...之後原來加水係自動, 唔駛再叫人黎!!按個掣就得, 真係大鄉里...不過講真點心食物真係退左步...好似蘿蔔糕, 同山竹牛肉真係麻麻...山竹牛肉完全用機打出黎,粒粒圓碌碌, 同自己買返去蒸既無分別...都唔係師傅自己用手"吱"出黎...咬落去無咬口, 無根性, 一舊肉丸咁, 失敗!!至於蘿蔔糕咬落係一舊粉... 都係好麻麻!!腸粉同燒賣會好D, 正常野黎!!不過貼心提示, 粉果同蒸飯都唔好叫...真心伏, 可能出面買果D叮叮點心仲好過佢!!其實好耐無幫襯過稻香,估唔到差左咁多...

媽媽生日揀左去食中菜🥳稻香酒樓既晚飯好耐冇食過，而家多左好多唔同set揀水準亦比印象中好左好多🤤今次就揀左下面幾款套餐尊貴自選套餐4位餐（$698）🥣原盅汽鍋湯（4位）汽鍋湯個樣望落都幾清，不過都好夠味湯料有雞、豬肉、雞腳🐟清蒸虎杉斑條魚都算新鮮，蒸既時間岩岩好，唔會太老🦪金蒜蒸聖子（4隻）聖子都唔錯，但墊底既粉絲就冇乜味，扣左啲分自選小菜2款：🐟砂鍋大斑魚頭煲魚頭煲好出色，原個魚頭上枱👍而且好厚肉😍魚頭炸過再炆，好香口😝仲有枝竹、冬菇同燒肉墊底，索曬啲汁好香口🥳🦐金沙軟殼蝦軟殼蟹就食得多，軟殼蝦真係第一次食估唔到好好食，撈埋鹹蛋黃醬係面，好香口👍而且新鮮炸起，上到枱都仲好脆口 😆孖寶（$228）🦀薑蔥焗肉蟹一隻肉蟹都算大隻，味道正常🥦海味什菜煲什菜煲份量好足，食極都仲有乳鴿（$38/隻）下載稻香app登記成為會員送椒鹽肉排🐷（$88）仲有好多唔同現金劵送（詳情可聯絡酒樓查詢）**非廣告**/😋食物質素：7/10🍽️用餐環境：7/10💰性價比：8/10👣回頭率：7.5/10

💙稻香💙4位餐 $698原盅汽鍋湯油份比較多，冇話好濃味，清清地咁。入面都有唔少雞肉豬肉等配料，不過都係‘鞋’身。清蒸虎杉斑就正正常常平時一圍枱會見到嘅肉。肉質正常，但都係腥。不過呢個腥嘅程度可以接受。金蒜蒸聖子一共4條，已經一早將肉同殼分開咗，所以好方便進食。肉質算鮮，但唔夠入味，底下嘅粉絲更加冇味。砂鍋大斑魚頭煲呢個有唔少配料係底，豆腐支竹菜呢啲全部入哂味，好食。 條魚魚質ok，但有啲腥，尤其近骨位。金沙軟殼蝦小編好鐘意食呢個😂因為有鹹蛋黃，小編好愛。佢有啲似食緊鹹蛋黃魚皮咁，鹹蛋黃味好香，不過就變咗外脆內軟。第一次會食埋蝦頭，真係成隻蝦都食得。而且份量都多，唔會俾得幾條你。油都多，但食炸野就預咗🤭孖寶 $228薑蔥焗肉蟹份量正常，唔會話好多肉可以食。味道都正常。海味什菜煲正常什菜煲，有白菜仔，小棠菜，菜心等嘅蔬菜，菇都有唔少既🍄清清地，都幾好食。

放假陪媽咪#飲茶 #食點心 媽咪最鐘意食點心😇我同媽咪都好鐘意食燒賣😍大大粒蝦依家大中小點都系$15@1超級平🤤味道都唔錯😋咁多樣點心之中最鐘意食櫻花蝦春卷腸粉櫻花蝦腸粉好滑配埋香脆春卷🤤另外金錢肚柱侯醬味濃，大大件！好味！茶芥每位$11☺️抵食之選以上只係個人食評感受💕*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*5個🌟滿分賣相：🌟🌟🌟🌟味道：🌟🌟🌟🌟驚喜：🌟🌟🌟🌟🌟回購：🌟🌟🌟🌟服務：🌟🌟🌟歡迎Follow @kfc_foodie_

今日去了稻香食 $ 1 元乳鴿，超多人，全場爆滿，5:30pm 開始派飛，5:45pm 可以入座。我們叫了$1 元乳鴿，都算大隻， 但我覺得乳鴿有點 鹹，套餐選擇不多，可以說只有兩款，我們叫了$178 元孖寶，有四隻蒸 扇貝，及一煲花膠海味 雜菜煲，扇貝一般，不太出色，但花膠 海味雜菜煲完全冇花膠，原本以為會有小塊花膠，但完全找不可花膠，貨不對版， 海味只是一啲好細粒嘅蝦乾， 雖然個煲好大，但全個煲都是菜，超大煲，但唔好食。還有叫了$28 海中寶，這個海中寶，十分足料，有一大粒 乾瑤柱， 鮑魚， 及一件細花膠， 還有一件雞及 豬肉粒，非常好味，十分扺食，一定要叫。今次去稻香，發現有一座沖茶的 智能機，十分先進， 不需要叫侍應加水，可以在機器上按加水，就見到有水流出，超特別，又方便，那些水可以加熱，時常都有 熱水，可以沖茶，可麼時刻都可以飲熱茶，抵讚。

稻香一直都係一家人食飯的選擇餐廳。因為酒樓feel好座位好招呼又平。今日照舊假期都有套餐加小菜。因為無曬燒鵝，轉左兩隻乳鴿。紅燒乳鴿一共兩隻，套餐268還有兩個小菜，另外兩個湯。一家人食實在是抵食。乳鴿每隻切4塊，加上少少淮鹽有不少燒烤風味。送飯一流。例湯系烏雞湯，蒸鍋燉湯燉盅風味。健康養生。金菇肥牛當主食，細細煲好多粉絲，不會偏甜。另外炸過的乳香一字骨，蒜香排骨風味，呢個菜加上乳鴿，再叫兩隻啤酒。星期日家庭樂就如此度過。268套餐三個人享用。

肥姑姐飲食推介 - （一個人食咗好多嘢）上湯龍蝦伊麵，花膠雜菌豆腐煲，雞絲粉皮1）環境衛生好耐冇去稻香啦，而家去稻香感覺上就好似去咗一啲中高級嘅酒樓，會設有一啲精美卡位，而卡位隔離有一個私家嘅電磁爐專系用來煲熱水，之後客人可以將放在玻璃茶煲內嘅熱水再倒入另外一個較細嘅玻璃茶壺。感覺上好方便。2）食物質素上湯龍蝦伊麵今日食嘅上湯龍蝦伊麵只係需要HK$148 ，分量足夠兩個人享用，可惜蒜蓉上湯比較多味精食完會有啲口渴，而波士頓龍蝦則是採用急凍的貨色，肉比較少，而且冇咩鮮味，反而覺得伊麵煮得啱啱好，仲有少少彈牙。花膠雜菌豆腐煲以HK$98來講嘅豆腐煲當中花膠也算唔少，亦都好入味，但就花膠就比較單薄左d，感覺上好似冇乜口感，其次就係油炸過嘅豆腐同雜菌都炆得好入味，用來送飯一流。雞絲粉皮最值得一讚嘅就係呢碟雞絲青瓜粉皮，今次嘅粉皮係我有史以來食過最好食嘅粉皮，爽口彈牙而且比較粗身，另外青瓜絲好爽甜，而雞絲帶點鹹味，有少少似平時嘅食嘅手撕雞。最後要提嘅係醬汁，呢個醬汁係混合左白醋沙律醬同埋花生醬，完全唔會覺得膩。呢碟雞絲粉皮只係HK$48。3）價格上湯龍蝦伊麵HK$148花膠雜菌豆腐煲HK$98雞

好耐冇食早茶，早就听稻香早茶喺大陆同香港开咗好多分店，今日特登早起食早茶十点到嘅，门口好多人排队，原来朝早十一点半前埋单离座可以打五折。噉，实在太化算喇。睇菜单实在好多野啦，我就同生准备多啲几个种类，早晏一齐解决。等咗大概廿分钟，到个包厢，手机扫码下单。茶水系每台一个茶炉，服务员送叶自助冲茶🍵我哋以为个个点心量少，就点咗九种。等起菜嗰阵发现周围两人人都只系点咗三四个。其实量好大嘅！！！叫餸使留意，唔好嘥哦！我哋之后都打包嘞。點評:28厘米單棍油條: 又酥脆又香,剛炸出鍋的十分好吃,但是有點油膩,吃完一根可能吃不下其他的。日本紅鮮魷:魷魚好食😋粉條蒸嘅蒜泥味足。酥皮叉燒餐包:一啖落去畀人驚艷。 既有叉燒包嘅香甜,又有菠蘿包嘅酥香。 可能係我本身就愛食菠蘿包同叉燒包嘅原因吧,二者合一更加好食!魚膠灌湯餃:料零舍多,湯都好濃郁,都係畀人驚艷嘅一道菜。其他幾個口味冇特殊之處,勝在量大,下次去再品嚐其他嘅。

今日同屋企人一齊去食1蚊乳鴿...出色wor! 好juicy !仲有飲左18蚊既湯 ... 好足料！ 好好味！有鮑魚，螺，雞腳，瘦肉...會再食多幾次 ...P.s : 落左單要俾d 耐性等... 😢