新肥泉海鮮大排檔

营业中

休息中

今日放工后去咗间大排档食晚饭，朋友话呢度有个90分钟任饮任食放题，$288/388/488，大排档放题真系第一次听，一开始以为90分钟唔够食，点知食到60嘅时候其实都已经觉得好饱😂每人每次可以叫两碟，我哋总共食咗10几碟到啦，猪牛鸡菜汤饮品，款式都真系几多，净系牛都已经有10几款，Menu讲明话无论人数有几多都会以例牌份量上，所以越多人食越可以试到唔同嘅款式，两个人就单点抵啲🤔我最钟意食蕃茄薯仔鱼云汤，汤底好清甜，而且入边嘅配料都好多，又解渴，不过饮完都几饱㗎，因为一碗都真系唔少。第二个就系牛仔骨，未见过牛仔嘅份量可以咁多，出边都系多菜少肉，单点嘅话性价比好高，牛肉好嫩，冇牙都食到，调味都唔错，加碗白饭捞埋一齐就啱啱好。