皇后冰廳 (已結業)

餐厅嘅名字非常出众，唔知食物又系唔系呢？！不过价钱就绝对系平民都负担得起！千岛烧鸡田园沙律 侍应好好咁帮我将酱汁分开上，对于我呢啲惊肥人士嚟讲，真系好贴心。烧鸡嘅皮好脆好香，肉质都几滑！一口西西里牛肉配饭 西西里汁原来系酸酸甜甜架，有红萝卜同肠仔。牛肉已经好冧，一咬就知啦，吸晒啲酱汁嘅精华。配饭食真系好夹。香草忌廉焗龙脷通心粉一上枱冒晒烟，热辣辣。忌廉汁同芝士一齐系无敌嘅，通心粉挂汁，好好味。龙脷柳好滑，加上有酱汁，绝对好味！双重芝士汉堡汉堡包以黑炭芝麻包为基底，包身好香，有阵阵芝麻香，加上烘得够脆，外脆内软。汉堡系流心，一切开就有芝士酱流出，好吸引！仲有双色薯条添，我哋都清晒呀。