WOFT (已結業)

好多年前开始已经有帮衬WOFT，地点就脚嘢食又ok，之前多数都系一大班人去gathering，今次同男友去撑枱脚，嗌咗两个main两串串烧，都食得好满足。Main推介龙虾尾牛肝菌汁意大利饭，牛肝菌汁好creamy，龙虾尾肉够爽口，唔系雪到霉晒嘅急冻货，意大利饭软硬适中，望落唔系话好精致但食落真心好正～另一个burger就系较为经济嘅选择，最顶𠮶粒白蘑菇超级juicy，内馅亦有厚切蕃茄，汉堡扒同面包中规中矩，最有惊喜系脆卜卜嘅炸薯圈，非常酥脆，开心过食薯条。串烧都系呢度嘅主打，送酒就啱晒！我地叫咗牛舌同鸡软骨，两者都十分爽口又唔会干身，推介！