小草十八怪

营业中

休息中

之前试过旺角分店，今日行过油麻地，睇到佢开咗新分店，餐牌仲转咗，咁一定要试试啦。餐厅好大，装修得几靓，晚市full咗8成，好旺下。芬达同话梅金桔柠檬热饮，热饮入口淡淡柠檬香，后味会有少少话梅味，成杯饮品唔会好甜。凉拌青瓜云耳，前菜好大一份，青瓜同云耳都铺满咗。酱汁偏酸甜，加咗蒜蓉辣椒，食落酸甜香辣好惹味。五花肉串同章鱼须，串烧火候掌握得啱啱好，五花肉少少焦香唔会觉得油腻，章鱼须爽口弹牙唔会觉得韧。少少辣椒孜然粉调味已经足够，好正宗嘅内地烧烤味道。蒜蓉粉丝烧海虾，海虾大大只有6只，上面铺咗秘制蒜蓉酱，同下面粉丝娃娃菜捞埋一齐，劲好味。海虾好新鲜，虾肉鲜甜弹牙，全部食晒已经好饱。石窝米线，今次拣咗六个𩠌同香浓番茄汤。米线用石头窝送上来，可以一直keep到温度。米线系云南直送嘅手工米线，食得再耐都唔易断，好弹牙TIM。六个𩠌最钟意食封门柳，牛肉好薄切，透过石头窝热度煮熟佢，牛肉好软嫩好好味。