四季良晨 (新都城中心) (已結業)

今日放假同呀妈去左新都城行街，经过见到间台湾野下午茶好抵食，一于入去试一试，等左几张枱就有得入✨我地叫左一个牛腩台湾面，拣左麻辣牛肉汤底，汤底好够味，加埋麻辣油好衬，更加突显左牛肉汤既香甜👍🏻牛腩亦炆得好淋、入味，成碗汤面都唔错✨另外叫左个盐酥鸡排配卤肉饭，鸡排份量好劲，大大块，炸得几酥脆，而卤肉饭亦都表现唔错，唔算好细碗，多卤肉多汁😍✨另外加左小食，凉拌黑醋茄子同埋卤水豆腐。凉拌茄子好好食！酸酸甜甜，几开胃，卤水豆腐就不过不失✨仲叫左一杯黑糖珍珠鲜奶同阿华田脆脆，两杯都唔错，好浓郁，但叫左半糖都仍然好甜，大家记得要留意下喇！