珍意泰國菜館 (已結業)

上个周末去左行山，回程系筲箕湾东大街揾嘢食，但拣来拣去都唔知食咩好，最后都系食返之前食过既泰国餐厅「珍意」…呢间餐厅唔系讲笑，真系大件夹抵食，最重要系味道好好！我地嗌左个$288 二人餐，有四个𩠌，我地分别拣左椰汁鸡汤、炸虾饼、炒金边粉、炒杂菜、椰汁沙冰，仲另外嗌多个蚝仔煎蛋😁😁😁但结果食唔晒要打包😛炸虾饼热辣辣出炉，又脆又厚肉又弹牙，食完即刻热气🤣饮啖椰汁沙冰够解渴又浓郁，个金边粉炒完唔会一patpat 痴实晒，又够镬气，个蚝仔煎蛋都好出色，用铁盘一路煎住上，d蛋因为有芽菜垫住唔会老，蚝仔大大粒，椰汁鸡汤都好浓，又好多鸡肉配料，今餐食得好爽😄