Masala (已結業)

今日食左间应该都算正宗既印度菜，事关无论楼面水吧同厨房都系印度人，一入餐厅已经闻到阵食物咖哩味。一个set有汤、主菜、印度薄饼、白饭同埋饮品，大部份都系只需要$60就有齐晒成set，仲要唔驶加一，真系好抵！如果好似我咁唔食得辣，平时食谭仔都只可以食清汤嘅，都其实唔怕，因为唔辣，佢系好香嘅味道。食印度菜其实主要都系食个汁去点印度薄饼，薄饼如果可以再做好啲就希望可以再热d同埋脆d, 有饭有薄饼一定饱！另外餐饮嗌咗杯冻柠茶，个茶系有啲特别，有少少桃味。餐厅个环境布置都好简单，同埋有少少焗，冷气唔够，如果夏天去嘅话应该都真系会几热！