御名軒

营业中

休息中

地址－御名轩天后电气道22-52号金殿大厦1楼适逢铜记有半年一度大减价的活动，血拼完毕后拖住疲惫的躯壳，同一堆战利品去酒楼度大快朵颐，好好回顾刚才的盛况。💋冰镇南非鲍鱼，佢系个木盒里面铺满左冰粒，垫住D鲍鱼，保证够冻，做法好有心思又实用，佢应该用豉油加埋芥末制成，味道辣辣地，好开胃，食落都几弹牙，唔错。💋京式片皮鸭半只，佢预先皮好左皮至上碟，但每块皮面积都唔细，数量又刚好,烧得好脆身，油份都好足，配埋京葱，青瓜条一齐食，中和返油腻感，几好。💋大闸蟹，呢个秋凉时份当然系食大闸蟹啦，虽然细细只，但膏份量都唔讲得笑，以呢个SIZE黎讲算尽左佢一生的努力了，为左报答佢，我地只好慢慢细味品尝，蟹膏味道鲜甜好食，配埋醋一齐食，凸显佢的层次。💋八味豆腐，佢细细粒咁，一口一粒刚刚好，炸得外脆内软，加埋七味粉系面，所以加埋系八味挂XD，佢份量都好足，如果钟意饮酒的话，我相信都系一道唔错的佐酒小食。💋沙巴龙趸(一斤)，条龙趸都好大条下，应该几足秤的，唔会话蒸得太耐，嚡晒，冇咩细骨，可以放心食用，鱼肉都几滑下，鱼味出众，又有鲜味,。