一休(居食屋)日本料理 (長發廣場) (已結業)

青衣其实都好多嘢食，呢间日式料理好似开咗好耐，平时行过见到都多人排队，同埋见到啲价钱都好平民化，所以今日入嚟试吓。食物选择好多，我哋中午食有午餐选择，佢哋嘅份量真系好多。我哋叫咗个寿司拼盘梅，啲寿司好新鲜，饭团大细适中，而刺身大件夹抵食，每件鱼生刺身入口到即溶，呢个价钱嘅质素真系唔错。叫咗个豚肉炒椰菜，佢系一个午餐，包一个饭同汤，菜同肉嘅比例差唔多，入口比较浓郁，新鲜热辣上菜，令人好开胃。另外再叫多个三文鱼腩，三文鱼腩外皮煎到好香脆，入边嘅肉好嫩滑，调好味之后先烧，味道真系啱啱好，望落去好似好干，但系入口满布三文鱼油，呢个真系值得推荐。最后仲叫多杯梅酒梳打，梅酒味几重，份量都比较多。