麗姐廚房

营业中

休息中

听呢间餐厅已经好耐，首次试食，属于大家近期很喜爱的三𩠌饭的Friend。上楼素食，付款后，排队拣3个斋𩠌，连餐汤＄55。各人自己有一盘餐的半自助式中式素食餐厅。白饭及老火汤，任饮任食。但我们今日选择叫𩠌食饭，食得好啲，但都好抵食，分量多到惊人，建议四人以上，才好叫𩠌食饭。素碗仔翅，好味！非常大盘而且料头十足！抵。饮完头啖汤，已经饱三成。叉烧，面筋质地，比街外外卖斋卤味稍为冧身，口感好点像肥叉烧的质地感觉。而且用榄角爆香，增加咗不少独特的风味，加热了，增加滋味。呢个值得一赞。我推荐大家试这个叉烧！南乳斋煲，分量多到满泻，粉丝豆卜，总之应有尽有。而且唔会太多南乳，不会太过喊。素汤饺子，里面系蕃茄粟米馅，不知是否粟米是罐头粟米蓉，本人觉得太甜。而且冇乜特别，反而几条菜心，有菜心嘅甜味，仲正。炒饭，唔记得咗乜嘢炒饭，但系炒到好湿，麻麻哋。而且炒米粉，是幼身米粉，炒得干身，大家可以试。煎莲藕饼，有六件，比较干略硬，普普通通啦。由于每碟份量都好大，所以食完都已经好饱。如果冇四个人，或者冇男士，要小心啲，避免浪费。总之，大件夹抵食，大众化价钱，味道亦唔错，可以啦。