定食8 (已結業)

好耐都无食呢间，入到黎先知原来依家无得再任添面豉汤，椰菜果啲。出左啲新野，以前食都无呢啲款。我要左set寿司连一个迷你猪颈肉乌冬。前菜系海带，觉得几好食。面豉汤我都几钟意饮，因为唔同普通无乜料既面豉汤，佢系有啲类似三文鱼肉系入面，所以会多左啲鲜味。寿司其实就相当马马地，味道无乜特别出色，但起码唔会腥臭。个乌冬煲得太耐，过熟，唔好食，果半粒溏心蛋就几好味，猪颈肉都几好食，又够淋，够味。加钱既虾中规中矩，唔系特别话好新鲜，但又未算系好差咁。蟹膏质素都一般，不过其实佢对得住佢个价钱既，一分钱就一分货，都唔可以对佢抱太多太大期望。