薄餅型 (已結業)

今日经过间油麻地pizza外卖店，见到好抵食，一于买个二人餐返屋企食先😳 $169 就有一个大pizza、肉酱意粉/蘑菇饭、两件炸鸡、两罐饮品。除咗二人餐之外仲有其他抵食套餐，聚会𠮶阵可以考虑吓。薄饼方面选择有好多，有夏威夷、鲜虾海鲜、辣肉肠、芝士控、肉食主义者、素食主义者。我咁为食梗系要肉食主义者😳返到嚟个Pizza好大件，薄底比较薄，就算食几件都唔会饱得滞，配料都好多辣肉肠、猪肉肠、火腿等等。炸鸡方面比较特别，有得拣唔同口味，椒盐、海苔、辣味等等，拣咗海苔超好食😳同埋啲炸鸡应该系啱啱炸完冇几耐，拎到返屋企都仲系热辣辣脆卜卜。最后仲有个肉酱意粉超级大兜，应该起码够三个人食，而且蕃茄肉酱份量都唔少，整体感觉都好好！