影片
更多
2019-08-26
485 浏览
玛特丽格披萨 $58呢间野好抵玩 平价西餐又有一定质素主菜先叫份pizza 有样野餐厅几体贴 pizza都有大细拣 我见隔离台两公婆叫左两款细pizza呢款其实系水牛芝士 料无乜 不过净系份浓郁芝士都够杀 方形pizza薄批脆边 有几粒开边车厘茄 整体味道系唔错 标准水牛芝士批水准 无因为价钱平而失色法式芝士洋葱汤 $38呢份汤唔少好评 所以特登叫返碗法式唔法式唔使斟酌 一块几浓芝士味既多士系汤中 几抢fo块芝士多除左重芝士味 烘过既多士浸汤食 口感都仲唔错 而且唔少洋葱吊味 入口甚佳除左块多士 几实洋葱汤本身都ok 洋葱切哂粒 啖啖汤都食到 口味浓淡得宜 适合大部份人双重辣味烟肉蒜香魔鬼意粉 $58餐厅叫意粉狂热 又点少得叫碟意粉可以俾啲心理准备大家 碟意粉料确实唔多 味就真系唔少所谓味系指佢调出黎既辣味 你话好辣又唔系 不过辣又真系意粉既唯一主调 点双重辣我就唔知 反正系干身处理而唔系辣汁至于烟肉 多啲口感咁 加减食下咁系几单调下 不过味道唔差 价钱比其他意粉要平 当然唔食辣就完全唔使谂芝士牛肝菌浓汁鲜制意粉 $78呢碟系扁意粉黎主要特色系佢调既汁面 汁底反而唔多觉 汁面红红地既酱
呢间野好抵玩 平价西餐又有一定质素
主菜先叫份pizza 有样野餐厅几体贴 pizza都有大细拣 我见隔离台两公婆叫左两款细pizza
呢款其实系水牛芝士 料无乜 不过净系份浓郁芝士都够杀 方形pizza薄批脆边 有几粒开边车厘茄 整体味道系唔错 标准水牛芝士批水准 无因为价钱平而失色
法式芝士洋葱汤 $38
呢份汤唔少好评 所以特登叫返碗
法式唔法式唔使斟酌 一块几浓芝士味既多士系汤中 几抢fo
块芝士多除左重芝士味 烘过既多士浸汤食 口感都仲唔错 而且唔少洋葱吊味 入口甚佳
除左块多士 几实洋葱汤本身都ok 洋葱切哂粒 啖啖汤都食到 口味浓淡得宜 适合大部份人
双重辣味烟肉蒜香魔鬼意粉 $58
餐厅叫意粉狂热 又点少得叫碟意粉
可以俾啲心理准备大家 碟意粉料确实唔多 味就真系唔少
所谓味系指佢调出黎既辣味 你话好辣又唔系 不过辣又真系意粉既唯一主调 点双重辣我就唔知 反正系干身处理而唔系辣汁
至于烟肉 多啲口感咁 加减食下咁
系几单调下 不过味道唔差 价钱比其他意粉要平 当然唔食辣就完全唔使谂
芝士牛肝菌浓汁鲜制意粉 $78
呢碟系扁意粉黎
主要特色系佢调既汁面 汁底反而唔多觉 汁面红红地既酱 骤眼有啲似茄酱 食落都似牛肝菌既汁
意粉面汁面洒左唔少芝士粉 意粉偏干身处理 当中都有啲菇食下
个人对呢道意粉印象唔深刻 我谂唔使刻意叫 睇岩唔岩口味
豪华3式拼盘 $108
拼盘既三样野都系想试既小食 既然可以一次过试哂 why not all
所谓3式 无记错系5款小食当中任拣3款 安排几弹性 而我就拣左最想试既牛油果多士,大啡菇同蜜糖鸡翼
先讲多士 坚得! 料多味浓口感好 落重芝士 不过要数最重口味系大量既牛油果 同芝士crossover 配上脆多士 除非你唔钟意牛油果 唔系就一定钟意呢份重口味
大啡菇全称焗珍宝大啡菇酿带子 味道同个名既长度成正比都系好好食 卖相都几有心思 菇底上有带子 带子上有蟹子 蟹子上有棵草定缀 菇都算juicy 带子standard都唔算大粒 有蟹子配系有啲惊喜
鸡翼卖相相对普通 味道就ok 几有肉感下 蜜糖鸡翼配本身都几稳阵 另有柠檬可以揸汁
呢份拼盘我都相当推荐下 一次满足几个愿望
日本牛乳布甸 $18
最后黎返份甜品
甜品价同主菜价一样系走经济路线 牛乳布甸其实一定唔会差嫁喇 特别位系布甸面有落cream cream上有棵草 插左草系真系好睇左 有分加 呢啲细节位系抵赞
张贴
