炊豕店 (威靈頓街) (已結業)

中上环呢啲闹市嘅餐厅虽然多，但价钱始终偏贵。呢日同朋友去左呢头做野，到3点都未食晏，决定捐窿捐罅揾平靓正嘅好西，最后终于比我揾到间专系食猪扒嘅餐厅。门面相当日式，一开始我仲以为系食日式野😂门口前边仲有啲空位比客人排队，睇黎如果喺繁忙时间黎食嘅话就要排队👀我地嗌左肉燥汁猪扒饭同冲绳猪软骨捞粗面，份量好！大！猪扒有成只手掌咁大，好夸张😂好彩嗌左少饭，如果唔系真系食唔晒😂厨师好贴心咁将猪扒一开三，唔会食到冇晒仪态😌炸衣完全唔厚，非常酥脆而且唔油腻；猪扒好厚切但一啲都唔韧，仲好淋好juicy，必叫🤤肉燥系用肥瘦均匀嘅肉粒整成，有口感，甜甜地，送饭一流！猪软骨捞粗都唔野少，猪软骨炆到好淋！仲有莲藕萝卜嘅配料。粗面爽口，索哂啲酱汁，同埋炸蒜粒，斋食个面都正😂🤘🏻芝麻鸡翼脆卜卜，热辣辣，好香口。虽然话落咗辣粉，但我地唔觉得辣🤣饮品都几高质！