趣意廚 (順景華庭)

营业中

休息中

长沙湾嘅趣意厨绝对系穷人恩物😂！呢度嘅一人餐全日供应，主菜连汤及小食最平四十零蚊有交易，性价比甚高。我拣咗成个 menu 最贵嘅拿破仑海鲜大虾阔条面，配忌廉汤同炸鸡，加埋都只不过系五十零蚊，抵到冇朋友。忌廉汤虽然质感有啲似浆糊，但系㗳落有奶味，汤入面有粟米，面头仲有脆面包粒，而且好大碗，呢度加返少少分数。阔条面用嘅系杂锦急冻海鲜，质素四平八稳，较为特别嘅系另外再落咗大只啲嘅急冻虾仁，于是成个面入面有两种虾，诚意十足；酱汁方面，虽然呢度嘅拿破仑汁较类近普通蕃茄汁，但系味道正常，我绝对收货。最后就系件炸鸡，炸得香脆可口，啖啖肉，唔错。值得一赞嘅系餐厅入面嘅餐具全部用胶袋独立包装，虽然唔太环保，但系感觉较为卫生，喺疫情仲未完全消退嘅当下，尤为重要。