石之牛石板日式料理 (已結業)

琴日晏昼劲大雨，经过深水埗去食呢一间石烧牛，两个人叫咗两个套餐，每人都包任食嘅沙律，饭同埋汤，性价比几高，坐得又舒服，值得一试。叫咗一个西冷牛扒同埋一个鳗鱼西冷牛扒嚟到都仲有血水，但系烧嘅过程一定要尽快，我影咗两张相之后再烧，已经觉得太熟，肉味好浓郁，但系可惜系佢熟得太快，肉质有啲韧。如果佢可以额外有多个碟放就会更好，可以逐块攞嚟烧，等佢熟嘅程度慢慢嚟。鳗鱼好好食，好新鲜，烧出嚟好香口，油脂亦都好足够，值得一试。佢嘅套餐全部有50几蚊起，仲要包任饮汽水，任食沙律，任饮杂菜汤，同埋任食饭，对于男士嚟讲绝对适合🤣🤣